Mektep direktorlaryna jalaqy tóleý júiesine ózgeris engiziledi. Bul týraly «Bilim jáne ǵylym – eldiń turaqty damýynyń kepili» taqyrybyndaǵy pedagogterdiń Respýblikalyq tamyz konferentsiiasynyń plenarlyq sessiiasynda QR Bilim jáne ǵylym ministri Ashat Aimaǵambetov málim etti, dep habarlaidy "Ult aqparat".
«Qazirgi kezde mektep basshylyǵynyń jalaqy máselesi ózekti bolyp tur. Jalaqynyń qazirgi deńgeiine qarap, básekege qabiletti menedjerler basshylyq qyzmetke barýǵa qyzyqpaidy. Jalpy, úzdik pedagogtar mektep direktory nemese oqý isiniń meńgerýshisi laýazymyna barmai jatady», - dedi Ashat Aimaǵambetov.
Osy oraida ministr bul baǵytta tiisti ózgerister kerek ekenin atap ótti.
«Mektep direktorlarynyń jalaqysy ustazdyń eńbekaqysynan tómen bolatyn jaǵdailar jii kezdesedi. Bul turǵyda táýekelder deńgeii ártúrli ekeni belgili. Bilim ministrligi mektep direktorlaryna jalaqy tóleý júiesine ózgeris engizýdi josparlap otyr», - dedi ol.
