Foto:instagram.com/dinatansari
Densaýlyq saqtaý ministri Ajar Ǵiniiat balaǵa hidjama jasaǵan emshiniń áreketine qatysty pikir bildirdi, dep habarlaidy Sputnik Qazaqstan portaly.
Búgin Senat otyrysynan keiin jýrnalister ministrden áleýmettik jelile taraǵan video týraly surady. Onda emshi balaǵa hidjama jasap, mańdaiynan qan aǵyzǵan.
Ǵiniiattyń aitýynsha, qazirgi kezde osy oqiǵa boiynsha tekseris bastaldy.
"Negizi, dástúrli emes meditsinamen ainalysatyn adamdar litsenziia alyp, jumys isteýi kerek. Biraq hidjama bizde litsenziia beriletin qyzmet túrine jatpaidy. Qazirgi kezde komitet osy oqiǵanyń mán-jaiyn anyqtap jatyr, sosyn tekseris júrgiziledi", - dedi Ǵiniiat.
Ministr hidjama jasaǵan adamdar zań boiynsha jaýap beretinin de jetkizdi.
Aita keteri, áleýmettik jelide jańa týǵan náresteniń mańdaiyn tilip, qan shyǵaryp jatqan video tarady. Onda emshiniń hidjama jasap jatqanyn kórýge bolady. Sábidiń bet-aýzynan qan alyp jatqan emshiniń áreketi jeli qoldanýshylarynyń ashýyn týdyrdy.
