Alibaba kompaniiasynyń negizin qalaýshy Djek Ma AQSh-qa meditsinalyq maska men koronavirýsty anyqtaityn testilerdi syiǵa tartty, dep jazady VVS.
Qytai milliarderi Twitter-degi paraqshasyna Shanhaida turǵan júk ushaǵynyń fotosyn jariialady. Buǵan deiin ol Amerikaǵa 500 myń test pen 1 million maska syiǵa tartatynyn málim etken edi.
«Djek Ma Eýropaǵa da birqatar medikamentter jiberip jatyr. Ol pandemiiamen kúresý úshin halyqaralyq yntymaqtastyqqa shaqyrdy», - dep jazady VVS.
Onyń aitýynsha, kompaniia Japoniia, Ońtústik Koreia, Italiia, Iran men Ispaniiaǵa da medikamentter jetkizgen. Sonymen qatar qazirgi tańda búkil Eýropaǵa taratý úshin 2 mln maska daiyndap jatyr.
Aita ketý kerek, buǵan deiin Microsoft kompaniiasynyń negizin qalaǵan Bill Geits pen áieli Melinda Geits virýstyń taralýyn toqtatýmen kúresý sharalaryna 100 mln dollar bóletinin habarlaǵan edi.
