Qazaqstannyń eńbek sińirgen qairatkeri Meirambek Besbaev jas áriptesi Erkesh Hasenge avtokólik syiǵa tartty. Bul týraly Erkesh Hasen óziniń áleýmettik jelidegi paraqshasynda habarlap, aǵa býyn ókiline alǵysyn bildirdi, dep habarlaidy Ult.kz.
«Cover show» baǵdarlamasynyń túsiriliminen keiin taksimen qaitan inisine jany ashyǵan óner iesi erteńinde áriptesin keńsesine shaqyryp, kólik satyp alýy úshin arnaiy qarajat aýdarýǵa nietti ekenin jetkizgen.
Meirambek Besbaev bergen ýádesin kóp uzamai oryndap, Erkesh Hasenniń esepshotyna qajetti somany aýdaryp berdi. Jas ánshi aǵasy syilaǵan qarajatqa jańa temir tulpar satyp alyp, qýanyshyn oqyrmandarymen bólisti.
