Almaty oblysynyń ákimi Amandyq Batalov halyqaralyq «Vitebsktegi slavian bazary» kórkemónerpazdar festivaliniń jeńimpazy Rýhiia Baidúkenovany qabyldady, dep habarlaidy QazAqparat.
Odan keiin Rýhiia Baidúkenova jerlesterimen kezdesti. Taldyqorǵan qalasynyń metsenattary men kásipkerleri oǵan «Hyundai» markaly avtokólik syiǵa tartty. Sondai-aq, Rýhiianyń ustazy Serikjamal Ájibekova men qoldaýshysy Qymbat Dosjanǵa 1 mln teńgeniń sertifikatyn tabystady. Taldyqorǵandyqtar talantty jastyń ónerine degen súiispenshiligin osylaisha bildirdi.
Al, Taldyqorǵandyq kásipkerler men metsenattar atynan Aqshabai Kerimbekov sóz alyp, tilegin aitty.
«Barlyq taldyqorǵandyq senimen maqtanady. Seniń talantyń álemdik deńgeide moiyndaldy. Bul jerde ustazdaryńnyń da eńbegin atap ótken jón. Endi seni barlyǵy tanidy. Bul jeńisterińniń bastamasy ǵana dep bilemiz. Alda budan da biik shyńdardy baǵyndyratynyńa senemiz», - dei kele, kóliktiń kiltin tabystady.
Eske sala ketsek, Rýhiia Baidúkenova vokalmen 9 jasynan beri ainalysyp keledi. Qazirgi ýaqytta Nur-Sultan qalasyndaǵy Qazaq ulttyq óner mektebiniń «Estradalyq vokal» mamandyǵynyń bilimgeri. Kóptegen án konkýrstarynyń laýreaty.
