Lionel Messi "Barselonamen" qoshtasý baspasóz máslihatynda kóz jasyn súrtken betoramal Mercado Libre saitynda satylymǵa shyqty, - dep habarlaidy Tengrinews.kz.
Lottyń bastapqy quny - 1 million argentinalyq peso (10 298 AQSh dollary). Satýshy oramalda sportshynyń kóz jasy bar deidi. Bul, satýshynyń pikirinshe, bolashaqta ony klondaýǵa múmkindik beredi.
Buǵan deiin "Pari Sen-Jermen" argentinalyq shabýylshy Lionel Messi klýbqa aýysqannan keiin óziniń resmi saitynda onyń tegi jazylǵan fýtbolkalarǵa satylym ashty. Bir saǵatta 250 myń fýtbolka satyldy.
Lionel Messi "Barselonada" 2000 jyldan beri óner kórsetti, 2003 jyly negizgi quramda oinai bastady. Onyń qanjyǵasynda Ispaniia chempionatynda 10 jeńis, Ispaniia Kýbogy men Sýperkýboǵynda 7-den, Chempiondar Ligasynda 4, Eýropa Sýperkýbogynda 3 jáne klýbtyq Álem chempionatynda 3 jeńis bar. Biyl tamyzda argentinalyq shabýylshy Lionel Messi resmi túrde Frantsiianyń "Pari Sen-Jermen" fýtbol klýbyna aýysty.
