Foto: Nemolkchikz
24 aqpanda Atyraýda Iana Legkodimovanyń ólimine qatysty apelliatsiialyq sot otyrysy ótedi. Dál osy sottan keiin ǵana ómir boiyna bas bostandyǵynan aiyrý týraly úkimniń zańdy kúshine engen-enbegeni belgili bolady.Bul týraly Nemolkchikz qory habarlady, dep jazady Ult.kz.
Sottalýshylar — Rizýan Qaiyrjanov pen Altynbek Katimov — úkimdi jeńildetý qajet dep sanaityn sebepterin kórsetip, apelliatsiialyq shaǵym túsirgen.
Qysqasha aitqanda, Altynbektiń ýáji boiynsha:
— adam jaldaý (QR QK 99-baby 2-bóliginiń 7, 8-tarmaqtary) bolmaǵan;
— telefondy qasaqana joiý (QR QK 202-baby 2-bóliginiń 6-tarmaǵy) bolmaǵan.
Altynbektiń aitýynsha, jaldaý faktisi tek áleýmettik jelilerdegi hat-habarlarǵa ǵana negizdelgen jáne onyń aqsha alǵanyn dáleldeitin aiǵaq joq.
Telefondy joiý deregi boiynsha ol oqiǵa kezinde ózi aýylda bolǵanyn jáne telefondyń joiylǵany týraly eshteńe bilmeitinin málimdegen.
Eske salaiyq, 2024 jylǵy 18 qazan kúni Atyraýlyq Iana Legkodimova úiden shyǵyp, iz-tússiz joǵalǵan. Sol kezde óńirlik politsiia departamenti adam urlaý jáne óltirý baptary boiynsha qylmystyq is tirkelip, keshendi tergeý bastalǵanyn habarlaǵan.
24 jáne 25 jastaǵy eki kúdikti ustalyp, ýaqytsha ustaý izoliatoryna ornalastyryldy.
Iananyń anasy Galina qyzy kúndelik júrgizgen, jáne onyń joǵalǵannan keiingi kúndeliginde kúdiktiniń kim bolýy múmkin ekeni týraly keibir málimetter anyqtalǵan.
Qyzdyń denesi tek 2025 jyldyń maýsym aiynda tabyldy. Tamyzda is Atyraý oblysynyń qylmystyq ister boiynsha mamandandyrylǵan aýdanaralyq sotynda qarala bastady.
Tergeý málimetteri boiynsha, Iana Legkodimovany Atyraýda óltirip, denesin Edil ózenine tastaǵan. Bul qylmysqa onyń jigiti men serigi kúdiktelgen. Is materialdaryna sáikes, qaza tapqan qyz bir aiyptalýshynyń adaldyǵyna kúmándanyp, qarym-qatynasty toqtatýdy josparlaǵan.
Sot barysynda qylmystyń adam shoshyrlyq derekteri jariialandy.
Oqi otyryńyz: Qatigezdikke shek joq: Iananyń ólimine qatysty chat mazmuny ashyldy
Prokýror aiyptalýshylarǵa ómir boiyna bas bostandyǵynan aiyrylýdy surady.
Qarasha aiynda Atyraý qalasynyń soty 2001 jyly týǵan Iana Legkodimovany óltirdi dep aiyptalǵan kúdiktiler Rizýan Qaiyrjanov pen Altynbek Katimovqa ómir boiyna bas bostandyǵynan aiyrý týraly úkim shyǵardy.
Sonymen qatar, sot qaza tapqan jas qyzdyń anasynyń azamattyq talap aryzyn qanaǵattandyrdy: ár aiyptalýshydan 15 million teńge moraldyq shyǵyn jáne 1 million 700 myń teńge materialdyq zalal óteýge mindetteldi.
Sot sheshimine sottalýshylar tarapynan appeliatsiialyq sotqa aryz-shaǵym berilgen.
