Búgin Úkimet otyrysynda QR Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin saladaǵy ulttyq jobany tanystyrdy, dep habarlaidy QazAqparat.
«Tsifrlandyrý, ǵylym jáne innovatsiialar esebinen tehnologiialyq serpilis» Ulttyq jobasyna toqtalsaq, ony iske asyrý aiasynda tiisti kórsetkishterge qol jetkizý josparlanǵan. Internet jelisiniń ený deńgeii, iaǵni paidalanýshylardyń sany 91-den 95 paiyzǵa jetkizý, memlekettik qyzmetterdi 9 kúnnen 5 minýtqa deiin qyzmet kórsetý ýaqytyn qysqartý, biznesten talap etiletin derekterdiń 50% onlain esepke alý, Qazaqstan aýmaǵy arqyly «Aziia-Eýropa» jalpy tranzittik derekterdiń trafik deńgeiin 3%-dan 8%-ǵa jetkizý eskerilgen. Sonymen qatar, IT-eksporty 500 mln AQSh dollaryna jetkizý, innovatsiialyq ónim kólemin 1,7- den 2,5 trln teńgege arttyrý, kommertsiialandyrý jobalarynyń jeke qosa qarjylandyrýyn 50 %-ǵa joǵarlatý josparlandy. Ár maqsatqa jetý úshin tiisti is-sharalar qarastyrylǵan», - dedi Mýsin.
Ulttyq joba 10 baǵyt jáne 208 is-sharadan turady, olardy iske asyrý 2025 jylǵa deiin josparlanǵan.
Ulttyq joba eki blokqa bólingen:
TsIFRLYQ TRANSFORMATsIIa, ol:
– Qyzmetterdi 5 minýt ishinde kórsetý;
– IT salasyn damytý;
– Halyq únine qulaq asatyn jáne tiimdi memleket;
– Yńǵaily ómir súrýge arnalǵan tsifrlyq quraldardy qoldaný;
– Tehnologiialyq jáne innovatsiialyq biznesti damytý;
– Sapaly internet pen aqparattyq qaýipsizdikti qamtamasyz etý.
ǴYLYM blogy:
– Ǵylymi ekojúieniń básekege qabilettiligin arttyrý;
– Eldiń damýyna ǵylymnyń úlesin arttyrý, iaǵni ǴYLYM-ÓNDIRIS-BIZNES printsipin qoldaný;
– Ǵylymdy ákimshilendirýdi jetildirý.
Ulttyq jobany iske asyrý úshin 1,4 trln teńge mólsherinde biýdjettik qarajat bólý talap etiledi. Onyń ishinde tsifrlandyrý jáne innovatsiialarǵa 587,8 mlrd teńge jáne ǵylym baǵytyna 833 mlrd teńge qarastyrylǵan. Jalpy, ulttyq jobany iske asyrý úshin 800 mlrd teńge jeke investitsiiany tartý qarastyrylǵan.
«IT salasynyń damýy» baǵyty boiynsha jyl saiynǵy eksportty
500 mln AQSh dollarǵa jetkizý, jalpy 500 mlrd. teńge investitsiia tartý úshin 100 myń jumys ornyn qurý qarastyrylǵan. Sondai-aq kriptoindýstriianyń álemdik ainalymynan kiristiń 1%-yn tartý, kórshi memleketterge qyzmet kórsete alatyn DATAHUB qurý eskerilgen», - dedi ministr.
«Halyq únine qulaq asatyn jáne tiimdi memleket» baǵytynda:
- memlekettik organdardyń qujat ainalym kólemin 50%-ǵa tómendetý, iaǵni tsifrlyq tehnologiialardy paidalanýdyń arqasynda qujat ainalymyn qysqartý;
- salalar derekteriniń 50%-yn tsifrlyq formatta esepke alý.
- smartfon arqyly azamattardyń memlekettik organdarmen ózara bailanysy men memlekettik organdardy baǵalaý qarastyrylǵan.
«Internet jelisine ený deńgeiiniń 95 %-ǵa qol jetkizý úshin mynadai quraldardy engizý josparlanýda: tómen orbitadaǵy spýtnikterdi paidalaný, aýyl sharýashylyǵy taýarlaryn óndirýshiler bailanys qyzmetterin sýbsidiialaý, 5G-di oblys ortalyqtarynda jáne respýblikalyq mańyzy bar qalalarda engizý», - dedi ministr.
