Qazaqstan Respýblikasy Memlekettik kúzet qyzmetiniń Prezidenttik orkestri Meditsinalyq qyzmetkerler kúni merekesine orai kontsert berdi, dep habarlaidy "Ult aqparat".
Qazaqstan Respýblikasynyń Prezidenti Qasym-Jomart Toqaevtyń Joldaýyndaǵy meditsina qyzmetkerlerine jan-jaqty qoldaý kórsetý máselesin iske asyrý maqsatynda, Qazaqstan Respýblikasy Memlekettik kúzet qyzmetiniń Bastyǵy general-polkovnik Q.N.Qasymovtyń arnaiy tapsyrmasy boiynsha, dárigerler men meditsina qyzmetkerleriniń byltyrdan beri álemde oryn alǵan koronavirýs indetimen kúres kezindegi qajyrly da janqiiarlyq eńbegine alǵys bildirý jáne Meditsina qyzmetkerleri merekesi qurmetine orai, aǵymdaǵy jylǵy 17 jáne 18 maýsym kúnderi Qazaqstan Respýblikasy Memlekettik kúzet qyzmetiniń Prezidenttik orkestri Nur-Sultan qalasyndaǵy Qazaqstan Respýblikasy Prezidentiniń Is basqarmasy Meditsinalyq ortalyǵynyń aýrýhanasynda, Ulttyq ǵylymi kardiohirýrgiia ortalyǵynda jáne Ulttyq ǵylymi meditsinalyq ortalyǵynda, sondai-aq Nur-Sultan qalasynyń Almaty aýdandyq ákimdiginiń aýdandyq aýrýhanalardyń úzdik meditsina qyzmetkerlerine quttyqtaý is-sharasynda merekelik kontsert kórsetti.
QR Memlekettik kúzet qyzmeti Prezidenttik orkestriniń estradalyq simfoniialyq ansambliniń ártisteri, án jáne estrada ansambliniń solisteri men halyq aspaptary ansambliniń ártisteri óz ónerlerin kórsetip, dárigerler men medbikelerdiń, osy aýrýhanalar patsientteriniń ystyq yqylasyna bólendi, al úrmeli aspaptar orkestri mýzykanttarynyń defile kórsetilimin kórermender dý shapalaqpen qarsy aldy.
