QR Bilim jáne ǵylym ministri Ashat Aimaǵambetov memlekettik bilim berý granttary iegerleriniń tizimi qashan shyǵatynyn aitty, dep habarlaidy QazAqparat tilshisi.
«Biz daiyndalyp jatyrmyz. Bilim berý granttaryn taǵaiyndaý jónindegi respýblikalyq komissiianyń birinshi otyrysy ótti. Orynbasarym Qýanysh Erǵaliev ótkizdi. Qazir komissiia otyrysy ótip jatyr. Tamyzdyń 15-ine deiin bul jumys aiaqtalady dep kútemiz. Sodan keiin ádettegidei taǵaiyndaý qorytyndysyn jariia etetin bolamyz», - dedi Aimaǵambetov Tengrinews.kz aqparattyq portalyna bergen suhbatynda.
Aita keteiik, biyl Prezident tapsyrmasymen granttardyń jalpy sany 5 myńǵa artyp otyr. Iaǵni, ótken jyly bilim berý granttarynyń sany 51 myń bolsa, biyl 56 myńǵa deiin artty. Sondai-aq granttardy bólý kezinde alǵash ret azamattardyń áleýmettik osal sanattary úshin kvotalar kózdelgen.
Osy jyly bilim berý granttaryn taǵaiyndaý konkýrsyna qatysý úshin barlyǵy 75 myńnan astam ótinim berildi. Bul 2020 jylmen salystyrǵanda 13 myńǵa artyq.
