Qylmystyq jaýapkershilikke zańsyz tartylǵan elorda turǵynyna respýblikalyq biýdjet esebinen 1 mln teńge ótemaqy tólenedi. Bul týraly qalalyq sottan málim etti, dep habarlaidy "Ult aqparat".
«2017 jyly quqyqqorǵaý organdary azamat B.-ǵa qatysty bes ai boiy sotqa deiingi tergeý-tekserý amaldaryn júrgizdi. Jáne ol tergeý sharalaryna kúdikti, aiypty retinde qatysqan. Keiin sottalýshy retine sotqa berildi. Saldarynan onyń ózine jáne otbasynyń múshelerine moraldyq ziian keltirildi. Aýdandyq sottyń úkimimen azamat B. is-áreketinde qylmys quramynyń bolmaýyna bailanysty qylmystyq zań buzýshylyqtardy jasaýda kinásiz dep tanyldy. Oǵan qylmystyq jaýapkershilikke zańsyz tartylýdan keltirilgen ziian ótelýi tiistigi sheshildi», - delingen qalalyq sottyń aqparatynda.
Málim etilgendei, QR Azamattyq kodeksiniń 923-baby 1-tarmaqshasyna sáikes memleket elorda turǵynyna keltirilgen ziiandy tolyq kólemde ótep berýge mindetti.
«Esil aýdandyq sotynyń sheshimimen respýblikalyq biýdjet esebinen azamat B.-nyń paidasyna 1 mln teńge kólemindegi moraldyq ótemaqy tólenedi. Sheshimdi oryndaý QR Qarjy ministrligine júkteldi. Sheshim zańdy kúshine endi», - dedi vedomstvodan.
