Prezident Qasym-Jomart Toqaev jazýshy Valerii Mihailovty I dárejeli «Barys» ordenimen marapattaý týraly Jarlyqqa qol qoidy, dep habarlaidy ult.kz.
Memleket basshysy Qazaqstannyń halyq jazýshysy Valerii Mihailovqa quttyqtaý jedelhatyn joldady
Qasym-Jomart Toqaev aqyn, jýrnalist, Qazaqstannyń halyq jazýshysy Valerii Mihailovty 80 jyldyq mereitoiymen quttyqtady.
– Tabiǵi talantyńyz ben eńbekqorlyǵyńyzdyń arqasynda shyǵarmashylyq jolyńyzda eren tabysqa qol jetkizdińiz. Uzaq jyldar boiy elimizdiń bedeldi basylymdarynda jemisti eńbek etip, «Kazahstanskaia pravda» gazeti men «Prostor» jýrnalyn basqardyńyz. Adamgershiligi mol ári ómirlik ustanymdarynan ainymaǵan tulǵa retinde qalamgerler arasynda jáne qoǵamda úlken qurmetke bólendińiz, – dep jazylǵan jedelhatta.
Prezident Qasym-Jomart Toqaev Valerii Mihailovtyń birneshe býyn oqyrman qyzyǵa oqityn shyǵarmalary tól ádebi qazynamyzdyń bir bólshegi retinde laiyqty baǵaǵa ie bolǵanyna nazar aýdardy.
Aita keteiik, Valerii Mihailovtyń jaryq kórgen jiyrmadan astam óleńder men prozalyq shyǵarmalar jinaǵy – otandyq ádebietke qosylǵan eleýli úles.
Onyń mektep hrestomatiialaryna engizilgen «Uly jut shejiresi» atty derekti-pýblitsistikalyq povesi 9 ret qaita basylyp shyqqan!
Qazaq, nemis jáne aǵylshyn tilderine aýdarylǵan bul kitap sheteldik oqyrmandar arasynda da úlken suranysqa ie.
