Memleket basshysy qazaqstandyq dziýdoshylardy jastar arasyndaǵy álem chempionatynda tabysty óner kórsetýimen quttyqtady, dep habarlaidy ult.kz.
Qasym-Jomart Toqaev Ekvadordyń Gýaiakil qalasynda ótip jatqan dziýdodan jastar arasyndaǵy álem chempionatynda Qazaqstan quramasyn aralas komandalyq jarystaǵy aitýly jeńisimen, al Ǵabit Rasýlhandy, Fatima Supyǵalievany, Ádiljan Jaýdinovti jekelegen synda altyn medalǵa ie bolýymen quttyqtady.
Prezident jas chempiondardyń sporttaǵy joly jarqyn bolýyna jáne jańa biikterdi baǵyndyra berýine tilektestik bildirdi.
Qazaqstandyq dziýdoshylar álem birinshiliginde 4 altyn, 3 kúmis jáne 4 qola – barlyǵy 11 medal jeńip alyp, otandyq dziýdo tarihyndaǵy úzdik nátijege qol jetkizdi.
Keshe keshkisin Qasym-Jomart Toqaev Halyqaralyq dziýdo federatsiiasynyń prezidenti Mariýs Vizermen sóilesti.
Uiym jetekshisi Memleket basshysyn balýandarymyzdyń álemdik jastar týrnirindegi buryn-sońdy bolmaǵan biregei jeńisimen quttyqtady.
Qasym-Jomart Toqaev Qazaqstannyń Týrizm jáne sport ministrligimen, sondai-aq ulttyq federatsiiamen syndarly yntymaqtastyq ornatqany úshin halyqaralyq uiymnyń basshysyna rizashylyǵyn bildirip, sonyń nátijesinde elimizde dziýdo kúresi keńinen damyp kele jatqanyna toqtaldy.
Aita keteiik, dziýdodan Qazaqstan quramasy jasóspirimder arasyndaǵy álem chempionatynyń aralas komandalyq jarysynda alǵash ret jeńiske jetip, tarihi nátijege qol jetkizdi.
