Prezident Qasym-Jomart Toqaevqa mádeniet, aqparat jáne áleýmettik saiasat salalarynda jańa Konstitýtsiia erejelerin júzege asyrý barysy, sondai-aq azamattardyń turmys sapasyn kóterýdi kózdeitin memlekettik saiasattyń negizgi baǵyttary baiandaldy, dep habarlaidy ult.kz.
Aida Balaeva zańnamany jańa Ata zańǵa sáikestendirý, memlekettik aqparattyq saiasatty jetildirý, tsifrlyq keńistikti ilgeriletý, azamattyq qoǵam institýttarymen ózara is-qimyldy nyǵaitý, sondai-aq otbasy jáne jastar saiasaty, volonterlik qyzmet pen qoǵamdyq baqylaý salalarynda atqarylyp jatqan jumystar týraly málimet berdi.
Sondai-aq jańa bilim, ǵylymi-aǵartýshylyq jáne shyǵarmashylyq nysandaryn qurý, dástúrli ónerdi qoldaý men bilikti maman daiarlaý baǵyttarynda elimizdiń mádeni infraqurylymyn jandandyrý jónindegi usynystardy jetkizdi.
Kezdesý barysynda memlekettik áleýmettik saiasatty iske asyrý máselelerine airyqsha nazar aýdaryldy.
A. Balaeva bilim, ǵylym, densaýlyq saqtaý, áleýmettik qorǵaý, jumyspen qamtý, sport jáne týrizm salalaryn órkendetý jaiynda áńgimeledi.
Sonymen qatar vedomstvoaralyq yqpaldastyqty kúsheitýge, memlekettik qyzmetterdiń sapasy men qoljetimdiligin arttyrýǵa, adami kapitaldy damytýǵa, zamanaýi tsifrlyq sheshimderdi engizýge jáne áleýmettik sala infraqurylymyn qalyptastyrýǵa erekshe mán berildi.
Prezident mádeniet, aqparattyq saiasat, oqý-aǵartý, áleýmettik qamtamasyz etý jáne densaýlyq saqtaý siiaqty mańyzdy salalardaǵy Úkimettiń atqarǵan jumysy týraly Premer-ministr orynbasarynyń aqparatyn oń baǵalady.
Memleket basshysy ózekti áleýmettik máselelerdi jedel sheshý úshin tiisti vedomstvolar jumysyn odan ári jandandyrý qajet ekenine nazar aýdardy.
