Prezident Qasym-Jomart Toqaev Jambyl oblysyndaǵy tótenshe oqiǵa boiynsha ótken shuǵyl jinalysta qaitys bolǵan azamattardyń úi-ishine kóńil aitty, dep habarlaidy QazAqparat.
«Qarýly Kúshterimizdiń oq-dárisi saqtalatyn qoimanyń birinen órt shyqty. Artynan birneshe jarylys boldy. Jergilikti turǵyndar aman-esen. Ókinishke qarai, áskeri qyzmetshiler men qutqarýshylar arasynda adam shyǵyny bar. Olar qyzmettik mindetin atqarý barysynda erlikpen qaza tapty. Qaitys bolǵan azamattardyń otbasyna qaiǵylaryna ortaqtasyp, kóńil aitamyn. Jaraqat alǵan adamdardyń tezirek saýyǵyp ketýin tileimin, – dedi Memleket basshysy.
Sondai-aq, Memleket basshysy Bas Prokýratýra men Ishki ister ministrligine Jambyl oblysyndaǵy oqys oqiǵanyń mán-jaiyn jáne kinálilerdi anyqtaý úshin sotqa deiingi tergeý amaldaryn muqiiat júrgizýdi tapsyrdy.
«Bas prokýratýra men Ishki ister ministrligine oqys oqiǵanyń mán-jaiyn jáne kinálilerdi anyqtaý úshin sotqa deiingi tergeý amaldarynyń muqiiat júrgizýdi qamtamasyz etsin. Besinshi másele, Ishki ister ministrligi múddeli memlekettik organdarmen birlesip, qoǵamdyq tártipti, azamattardyń qaýipsizdigi men dúnie-múlkiniń saqtalýyn qamtamasyz etý úshin keshendi sharalar qabyldasyn», - dedi Qasym-Jomart Toqaev.
