Qasym-Jomart Toqaev T. Ýáliev atyndaǵy sport mektebine bardy, dep habarlaidy "Ult aqparat" Aqordaǵa silteme jasap.
Memleket basshysy Aqmola oblysyna jasaǵan jumys sapary aiasynda Jaqsy aýylyndaǵy jekemenshik sport mektebin aralap kórdi.
Qazaqstan Prezidentine kúres, boks jáne fýtbol sportyna arnalǵan zaldar kórsetildi. Qazirgi ýaqytta Jaqsy aýdanynyń 170 oqýshysy boks, grek-rim kúresi jáne fýtbol sektsiialarynda sportpen shuǵyldanady.
Bul sport mektebi óz tarihynda 4800 sportshyny, sonyń ishinde Qazaqstan Respýblikasynyń eńbek sińirgen sport sheberleri men halyqaralyq dárejedegi sport sheberlerin daiyndap shyǵardy.
Memleket basshysy grek-rim kúresinen Olimpiada chempiony Iýrii Melnichenkomen jáne sport mektebiniń tárbielenýshilerimen áńgimelesý barysynda aýyldaǵy buqaralyq sportty damytýdyń mańyzdylyǵyn atap ótti.
