Qasym-Jomart Toqaev S.M. Kirov atyndaǵy zaýytqa bardy, dep habarlaidy "Ult aqparat" Aqordaǵa silteme jasap.
Memleket basshysy kásiporynnyń ónimderimen tanysyp, kópqabatty baspa taqtasyn shyǵaratyn jáne bólshekterdi qurastyratyn tsehtardy aralap kórdi. Prezidentke kompaniianyń qazirgi jumystarynyń esebi berilip, kásiporynnyń tehnologiialyq turǵydan odan ári jańǵyrtylý jospary baiandaldy.
Kásiporyn direktory Amangeldi Arǵynbaevtyń aitýynsha, elimizde alǵash ret kópqabatty baspa taqtasyn óndirý isiniń jedel iske qosylýy álemdik standartqa sáikes buiymdar shyǵarýǵa múmkindik beredi. Bul respýblika ekonomikasynyń túrli salalarynda qoldanylyp, keleshekte eksportqa shyǵarylatyn bolady.
500-den astam adam jumys isteitin kásiporyn odandyq mashina jasaý salasynyń kóshbasshysy sanalady. Zaýyt temir jol, munai-gaz, energetika salalarynda paidalaný úshin azamattyq jáne áskeri maqsatqa arnalǵan 100-den astam ónim túrin shyǵarady.
