Memleket basshysy belgili ǵalym Talas Omarbekovtiń otbasy men jaqyn týystaryna kóńil aitý jedelhatyn joldady, dep habarlaidy "Ult aqparat" Prezidenttiń baspasóz hatshysy Berik Ýálige silteme jasap.
Qasym-Jomart Toqaev belgili qoǵam qairatkeri, ǵalym-pedagog, tarih ǵylymdarynyń doktory, professor, QR Ulttyq ǵylym akademiiasynyń qurmetti múshesi Talas Omarbekovtiń otbasy men jaqyn týystaryna kóńil aitty.
– Uzaq jyldar boiy Abai atyndaǵy Qazaq pedagogika ýniversitetinde jáne Ál-Farabi atyndaǵy Qazaq ulttyq ýniversitetinde ustazdyq qyzmet atqarǵan Talas Omarbekuly otandyq ǵylymnyń órkendeýine eleýli úles qosty. Táýelsiz Qazaq eliniń jańa tarihyn qalyptastyrýǵa sińirgen eńbegi orasan zor. Búkil túrki dúniesin, ultymyzdyń shejiresin, Ortalyq Aziia halyqtarynyń órkenietke bet alǵan kóshpeli mádenietin tereń zerdeledi. Talas Omarbekulynyń esimi men jarqyn beinesi halqymyzdyń, áriptesteri men shákirtteriniń jadynda máńgi saqtalady. Marqumnyń jany jánnatta, imany salamat bolsyn, – delingen Prezidenttiń jedelhatynda.
