Foto: uralskweek.kz, Erkebulan Gapýov
Ishki ister ministri Marat Ahmetjanov mektepterdegi qaýipsizdik máselesin kóterdi. Onyń aitýynsha, qazir bilim oshaqtaryn qart vahterler kúzetip júr, dep habarlaidy Sputnik Qazaqstan.
Onyń aitýynsha, oqýshy sany 700 adamnan asatyn mektepterde radiobailanysy, qyzmettik qarýy, jedel áreket etý mobildi toptary bar litsenziialanǵan kúzet bolýy kerek.
"Biraq búgingi kúni onymen mektepterdiń tek 84% paiyzy qamtylǵan (1416 mekteptiń 1193-i). Al Soltústik Qazaqstan men Túrkistan oblystarynda eshbir mektep mundai kúzetke alynbaǵan. Ulytaý oblysynda – 9% ǵana. Qostanaida – 50%. Is júzinde, mektepterdi kúzetý kásibi emes mamandarǵa, iaǵni qarapaiym kempir-shal vahterlarǵa tapsyrylǵan", - dedi Ahmetjanov Úkimet otyrysynda.
Aitýynsha, qart kúzetshilerde múmkindik te, zańmen belgilengen jaýapkershilik te joq.
"Sondyqtan olar qaýipti zattar men qarýdy kirgizýge tosqaýyl qoiady dep úmittený – bekershilik. Bul jerde mekeme ákimshiligi tehnikalyq spetsifikada kúzettiń tásiline, qyzmetkerlerdiń shekti jasyna, olardyń arnaiy daiyndyq deńgeiine talaptardy durys qoiýy kerek", - dep atap ótti IIM basshysy.
