Qazaqstan mektepterinde jynystyq saýattylyq pánin engizgen jón be? Bul suraqqa QR Bilim jáne ǵylym ministri Ashat Aimaǵambetov jaýap berdi, dep habarlaidy QazAqparat.
Ortalyq kommýnikatsiialar qyzmetinde ótken baspasóz máslihaty barysynda QR Bilim jáne ǵylym ministri Ashat Aimaǵambetovke «Qazaqstan mektepterinde jynystyq saýattylyq pánin engizý ýaqyty jetken joq pa, siz qalai oilaisyz?» degen saýal qoiyldy.
«Mektep baǵdarlamasynda oqýshylardyń jas ereksheligine qarai jynystyq tárbiege qatysty taqyryptar berilgen. Jynystyq tárbie máselesin aitqanda, tek mekteppen shektelmei ata-ananyń rólin umytpaǵan jón. Jáne ár ata-ana óz balasymen osy taqyrypta sóileskeni jón. Bul óte jeke másele, iaǵni tiianaqty bolýdy talap etedi. Sondyqtan otbasynda ákesi ulymen nemese anasy qyzymen ońasha talqylaǵany jón bolar. Ol balaǵa da bailanysty, kei bala ákesine jaqyn, keibiri kerisinshe anasymen syrlasady. Jalpy atalǵan taqyryptyń tárbielik máni basym bolǵandyqtan ata-ananyń erki men jaýapkershiligine qaldyrǵan jón dep oilaimyn», - dep jaýap berdi Ashat Aimaǵambetov.
