«Mektepke jol» qaiyrymdylyq aktsiiasy aiasynda qala ákimdigi 2255 balaǵa kómek kórsetedi, dep habarlaidy elorda ákimdiginiń mekemeniń resmi saity.
Aktsiia jalpyǵa mindetti bilim berý qorynyń quramyna kirmeitin, biraq muqtaj bolyp tabylatyn az qamtylǵan, kópbalaly jáne jaǵdaiy nashar otbasylardan shyqqan balalarǵa, jetim balalar men ata-analarynyń qamqorlyǵysyz qalǵan balalarǵa áleýmettik qoldaý kórsetýge baǵyttalǵan.
Aktsiia aiasynda «Esil» aýdanynan - 400, Baiqońyr aýdanynan – 600, Almaty aýdanynan –672, Saryarqa aýdanynan – 463 oqýshy kómek alady. Taǵy 100 bala qalalyq bilim basqarmasynyń qoldaý sharalarymen qamtylady.
Aktsiiaǵa qatysýshylarǵa otandyq óndirýshilerdiń mektep formasy jáne qajetti oqý quraldary beriledi.
Osylaisha, oqýshylarǵa beriletin mektep formasynyń ortasha baǵasy - 30 000 teńge. Uldarǵa arnalǵan pidjak, shalbar, jeide - 22000 teńge jáne aiaq kiim - 8000 teńge; qyzdarǵa - pidjak nemese kúrte, beldemshe, jeide, polo - 22000 teńge jáne aiaq kiim - 8000 teńge.
