Májilis depýtaty Zaǵipa Balieva «Halyq densaýlyǵy jáne densaýlyq saqtaý júiesi týraly» kodeks jobasyna engizý úshin birqatar usynys jasady, dep habarlaidy QazAqparat.
«Zań jobasyna qosqymyz keletin birqatar usynysymyz bar. Kadrlardy daiyndaýǵa qatysty pedagog jáne dáriger degen eki mamandyqtyń bar ekendigine senimdimin. Olar tolyqtai memlekettiń qoldaýynda bolýy kerek. Biraq, osynaý eki mamandyq qoǵam aldynda tolyqtai jaýapty boly tiis. Elimizdiń eń basty azamaty - ol bala. Sondyqtan sizderdiń qandai maman daiyndaityndaryńyzǵa balalarymyzdyń densaýlyǵy táýeldi bolady», - dedi depýtat Densaýlyq saqtaý ministri Eljan Birtanovqa qarata.
Z.Balievanyń aitýynsha, Densaýlyq saqtaý ministrligi, onyń ishinde Taýarlar men qyzmetterdiń sapasy men qaýipsizdigin baqylaý komititeti ózge de organdarmen belsendi yqtymaqtastyqta jumys isteýi qajet. Sebebi balalardyń deniniń saý bolýy atalǵan komitettiń Ekologiia, Mádeniet jáne sport, Bilim jáne ǵylym ministrlikteri syndy memlekettik organdarmen birlesken jumysyna bailanysty. Osy oraida ol balalardyń densaýlyǵyna qatysty naqty mysaldar da keltirdi.
«Sizderdiń derekterińizge sáikes, 1-synypqa deni saý kelgen balalardyń 34 paiyzy 11-synypta emi joq skoliozdan zardap shekse, 72 balanyń kórýi nasharlaidy. Bizge bul jaiynda oilaný qajet. Sondyqtan Baqylaý komiteti bul máselelerdi Ekologiia komiteti, Bilim jáne ǵylym ministrligi aldynda kóterýi tiis. Endi bul jaǵdaidy birlesip túzeteiik», - dedi Zaǵipa Balieva.
