Foto: uiymdastyrýshylardan
Almatyda World Schools Team Championship 2026-nyń Aziialyq kontinenttik kezeńi aiaqtaldy. Chempiondyqty Ózbekstannyń Tashkent qalasyndaǵy Wisdom School komandasy jeńip aldy. Ol 2026 jyldyń jeltoqsanynda ótetin Grand-finalǵa joldama aldy. Qazaqstannyń úzdik komandasy — Astanalyq SEED Uniker School — 4-orynǵa ie boldy.
Týrnir uiymdastyrýshylary: Halyqaralyq shahmat federatsiiasy (FIDE), Halyqaralyq mektep shahmat federatsiiasy (ISCF), Qazaqstan shahmat federatsiiasy (QShF), Qazaqstan Respýblikasy Týrizm jáne sport ministrligi, Almaty qalasy ákimdigi. Jalpy seriktes — Freedom Holding Corp.
«Bul týrnir bizdiń qurlyqtaǵy shahmattyń bolashaǵy men bilim berý júiesiniń áleýetiniń naqty úlgisi boldy. Biz bárimiz bilimniń, ásirese mektep deńgeiindegi bilimniń mańyzyn túsinemiz jáne baǵalaimyz. FIDE 2026 jyldy Bilim berýdegi shahmat jyly dep jariialady, al mektep komandalary arasyndaǵy chempionattar osy bastamanyń negizgi oqiǵalarynyń biri bolyp tabylady. Biyl kóptegen konferentsiialar, seminarlar men týrnirler ótýde. Olardyń barlyǵy da shahmattyń erte damýdaǵy oń rólin ilgeriletýge arnalǵan», — dedi Halyqaralyq shahmat federatsiiasynyń prezidenti Arkadii Dvorkovich.
Týrnirge 19 elden 26 komanda qatysty. Barlyǵy 8–14 jas aralyǵyndaǵy 114 jas shahmatshy oinady. Jarystar 2026 jylǵy 7–10 sáýir aralyǵynda Almatydaǵy «Qazaqstan» qonaqúiinde ótti. Komandalar 8 týr boiynsha shveitsar júiesimen, ýaqyt baqylaýy 45+10 formatynda oinady.
Komandalardyń qorytyndy kestesi (jaqshada — komandanyń ortasha reitingi):
- Wisdom School (Tashkent, Ózbekstan, 2024) — 16 komandalyq upai
- Kurchatov School (Máskeý, RF, 2275) — 14 upai
- Velammal MHS School (Chennai, Úndistan, 1908) — 12 upai
- SEED Uniker School (Astana, 2023) — 10 upai (EMGSB – 141)
- Bashu Secondary School (Chýntsin, Qytai, 1722) — 10 upai (132)
- RFMSh (Almaty, 1676) — 10 upai (116)
- Maliyadeva College (Kýrýnegala, Shri-Lanka, 1602) — 10 upai (95)
- Bolovsrol Secondary School (Ýlan-Bator, Mońǵoliia, 1616) — 9 upai
- ACG Sunderland (Oklend, Jańa Zelandiia, 1834) — 8 upai (157)
- Shkola-litsei № 173 (Almaty, 1818) — 8 upai (143)
Upai teń bolǵan jaǵdaida aldymen EDE (Extended Direct Encounter) — komandalar arasyndaǵy ózara kezdesýlerdiń nátijesi, sodan keiin EMGSB (Cut-1) — keńeitilgen Zonneborn-Berger koeffitsientiniń nusqasy eskerildi.
Komandalyq eseptegi júldelerden bólek, jeke taqtalardaǵy úzdikter (jinalǵan upai paiyzy boiynsha) altyn, kúmis jáne qola medaldarmen marapattaldy. Olardyń qatarynda eki qazaqstandyq jasóspirim bar:
1-taqta:
IM Roman Shogdjiev (2399, Kurchatov School, Máskeý, RF)
Elsultan Qaliahmet (1954, №173 mektep-litsei, Almaty)
Osman Hamrakýlyev (1562, Túrikmen-resei mektebi, Ashhabad, Túrikmenstan)
2-taqta:
FM Matfei Iýrasov (2308, Kurchatov School, Máskeý, RF)
ACM Kaisar Batyrbekov (1667, Carlton Gardens Primary School, Karlton, Avstraliia)
CM Oriiat Obidjonov (2022, Wisdom School, Tashkent, Ózbekstan)
3-taqta:
Biloliddin Obidov (2015, Wisdom School, Tashkent, Ózbekstan)
David Naimov (1613, №6 mektep, Dýshanbe, Tájikstan)
CM Arsenii Kleshevnikov (2222, Kurchatov School, Máskeý, RF)
4-taqta:
Kaviný Satnýra Veeratýnga (1725, Rahula College, Matara, Shri-Lanka)
Nihana Shresta (1475, Marvellous E.B.S., Katmandý, Nepal)
WCM Mohinýr Hikmathonova (1854, Wisdom School, Tashkent, Ózbekstan)
5-taqta:
Alisher Abdýkaiýmov (1944, Wisdom School, Tashkent, Ózbekstan)
Atvik M. (1909, Velammal MHS School, Chennai, Úndistan)
Ernur Baibek (1583, RFMSh, Almaty)
10 sáýirde «Qazaqstan» qonaqúiinde týrnirdiń jabylý rásimi ótti. Oǵan Halyqaralyq shahmat federatsiiasynyń prezidenti Arkadii Dvorkovich, Qazaqstan Respýblikasy Oqý-aǵartý ministri Juldyz Súleimenova, Almaty qalasy ákiminiń orynbasary Nurlan Ábdirahim, Halyqaralyq mektep shahmat federatsiiasynyń prezidenti jáne Qazaqstan shahmat federatsiiasynyń prezidenti Timýr Týrlov qatysty.
«Memleket basshysy Qasym-Jomart Kemeluly Toqaev intellektýaldy ult qalyptastyrýdy el damýynyń negizgi strategiialyq basymdyqtarynyń biri retinde anyqtady. Búgingi týrnir osy baǵyttyń júieli jáne turaqty júzege asyrylyp jatqanynyń aiqyn dáleli boldy. Shahmat oqý protsesine de, sabaqtan tys is-sharalarǵa da senimdi endi jáne zamanaýi mektep ortasynyń mańyzdy bóligine ainaldy. Olar urpaqtyń strategiialyq jáne logikalyq oilaýyn damytyp, tártibin nyǵaitýǵa yqpal etedi», — dedi Oqý-aǵartý ministri Juldyz Súleimenova.
Ol Qazaqstan shahmat federatsiiasymen tyǵyz seriktestikte júzege asyrylyp jatqan «Bilim berýdegi shahmat» baǵdarlamasy oqýshylardyń intellektýaldyq áleýetin damytýǵa jáne eldiń bolashaǵyn qalyptastyrýǵa baǵyttalǵanyn atap ótti.
Rásimde balalar «Evrovidenie» qatysýshysy Qarakat Bashanova óner kórsetti. Onyń áni kezinde zalda jaryq óshirilip, kórermender qoldarynda jaryqdiodty bilezikterdi kóterdi. Sol sátte qarańǵylyqta júzdegen jarqyn «juldyz» jandy. Uiymdastyrýshylar: «Eger juldyzdar janyp tursa — demek, bul bireýge kerek», — dep atap ótti. Bul simvolika ár bala osynda — bolashaq juldyz ekenin eske saldy.
Kelesi qurlyqqa — Afrikaǵa estafetany tapsyrý rásimniń jarqyn finaly boldy: júrgizýshiler keri sanaq bastady, sol kezde zaldaǵy kórermender qaǵaz ushaqtardy ushyrady.
Halyqaralyq mektep shahmat federatsiiasy men KazChess prezidenti Timýr Týrlov bylai dedi:
«Qazaqstan búkil álemmen ashyq jáne dostyq bailanys ornatyp jatyr. Men bizdiń týrnir osy úderiske óz úlesin qosqanyn úmittenemin. Sheteldik qonaqtarymyz naǵyz qazaq qonaqjailylyǵyn sezinip, Almatymen tanysqandaryna óte qýanyshtymyz. Osy jerde balalar arasynda jyldar boiy saqtalatyn bailanystar ornaǵanyna senemin».
Búkil týrnir «kosmostyq» taqyrypta ótti. Uiymdastyrýshylar ony 12 sáýirde atap ótiletin Kosmonavtika kúnine arnady. Týrnirdiń sońǵy kúni alǵashqy júristi Halyqaralyq shahmat federatsiiasynyń prezidenti Arkadii Dvorkovich pen qazaqstandyq ǵaryshker, Qazaqstannyń Halyq qaharmany Aidyn Aiymbetov jasady. Bul shahmat pen kosmos arasyndaǵy simvoldyq bailanysty taǵy bir ret atap ótti. Ekeýinde de strategiialyq oilaý, komandalyq jumys jáne jańa kókjiekterge umtylý mańyzdy.
Sondai-aq týrnir aiasynda eki memorandýmǵa qol qoiyldy. Birinshi qujat FIDE men Freedom Holding Corp. arasyndaǵy yntymaqtastyqty bekitti. Ol álem boiynsha ulttyq federatsiialardy jáne shahmat bastamalaryn qosymsha qoldaýdy kózdeidi.
Sonymen qatar Qazaqstan shahmat federatsiiasy men Qyrǵyzstan Shahmat odaǵy arasynda yntymaqtastyq memorandýmyna qol qoiyldy. Qujatqa QShF birinshi vitse-prezidenti Dármen Sádýaqasov pen Qyrǵyzstan Shahmat odaǵynyń prezidenti Babýr Tolbaev qol qoidy.
Almaty qalasy ákimdigi týrnirdi ótkizýge eleýli qoldaý kórsetti. 19 elden kelgen jas shahmatshylarǵa jarysta yńǵaily jaǵdai jasaldy.
