Mektep oqýshylaryna qashyqtan oqýǵa múmkindik beretin kompiýterlik tehnikany satyp alýǵa arnalǵan «OQY'SHYNY QOLDA!» Respýblikalyq qaiyrymdylyq aktsiiasy bastalady. Bul týraly OKQ ótken onlain-baspasóz konferentsiiasynda QR Bilim jáne ǵylym ministrligi Balalardyń quqyqtaryn qorǵaý komitetiniń tóraǵasy Esenǵazy Imanǵaliev aitty, dep habarlaidy "Ult aqparat".
«QR Bilim jáne ǵylym ministrligi «Atameken» Ulttyq kásipkerler palatasymen, sondai-aq «Meniń Atamekenim» qoǵamdyq birlestigimen birlesip «Mektepke jol» qoǵamdyq qozǵalysy aiasynda «OQY'SHYNY QOLDA!» Respýblikalyq qaiyrymdylyq aktsiiasyn bastady. Aktsiia kompiýterlik tehnikany, noýtbýkterdi, planshetterdi satyp alýǵa jáne ony qaitarymdy negizde muqtaj stýdentterge berýge baǵyttalǵan. Kompiýterlik jabdyq demeýshiler, metsenattar, eriktiler arqyly satyp alynady. Aktsiia sonymen qatar, balalar men jekelegen sanattaǵy otbasylarǵa joǵary jyldamdyqty internetke qol jetkizýdi qamtamasyz etýge baǵyttalǵan», - dedi Esenǵazy Imanǵaliev.
Sonymen qatar, ol barlyq qazaqstandyqtarǵa, otandyq kásiporyndar men kompaniialarǵa úndeý tastap, barlyǵyn aktsiiaǵa qatysýǵa jáne balalarǵa qashyqtan oqytýǵa kómektesýge shaqyrdy.
«Ministrlik mektepterde monitoring júrgizip, aqyly jabdyqty alýda basymdyqty anyqtaý kezinde eskeriletin ólshemderdi atady. Áleýmettik az qamtylǵan otbasy balalary men jetim balalarǵa kómek kórsetiledi. Aktsiia aiasynda jabdyqqa tapsyrys berý úshin qoldau.edu.kz arnaiy saity iske qosyldy. Sondai-aq, AÁK almaǵan, tabysy kúnkóris deńgeiinen tómen, ata-anasy múgedek nemese jalǵyz basty, kópbalaly otbasylardyń balalaryna kómek kórsetiledi», - dep tolyqtyrdy komitet tóraǵasy.
