Tótenshe jaǵdai engizilgen kezde Qazaqstandaǵy MEGA saýda ortalyqtarynyń jelisine ie «Mega Management» kompaniiasy SOO qyzmetin toqtata turý ýaqytynda jaldaý aqysyn eseptemeitini týraly habarlady.
Bul týraly "Ult aqparat" atalmysh ortalyqtyń málimetterine silteme jasap habarlaidy.
Qazaqstan Prezidenti Qasym-Jomart Toqaevtyń shaǵyn jáne orta biznesti qoldaý týraly úndeýine orai, «Mega Management» kompaniiasy osyndai sheshim qabyldady. Iaǵni, kompaniia jaldaý aqysy men tutyný men kommýnaldyq shyǵyndardyń aqysyn almaidy.
«Biz SOO qyzmetin toqtata turý kezeńinde jaldaý jáne kommýnaldyq shyǵyn úshin aqy almaimyz. «Mega Management» bul shyǵyndardy óz moinyna alady. Biz áleýmettik-jaýapty kompaniia retinde sheshim qabyldadyq jáne bul bastama erikti bolyp tabylady. Eger qalasańyz - bul bizdiń azamattyq ustanymymyz. Biz qalyptasqan jaǵdaidyń barlyq aýyrtpalyǵyn sizinip otyrmyz. Óitkeni biz de kásip iesimiz. Sondyqtan da biz seriktesterimizge qoldaý kórsetkimiz keledi», – dep málimdedi MEGA SOO jelisiniń iesi Nurlan Smaǵulov.
MEGA - Almatydaǵy MEGA Alma-Ata jáne MEGA Park eki SOO jáne Nur-Sultandaǵy MEGA Silk Way saýda oryndary kiretin Qazaqstandaǵy álemdik deńgeidegi iri saýda oiyn-saýyq ortalyqtarynyń jelisi. MEGA SOO jelisiniń jalpy aýdany 425 852 sharshy metr, jalǵa alýshylar sany - 650. MEGA jelisiniń birinshi SOO 2006 jyly ashyldy.
