Otandyq meditsinalyq maska óndiretin «Mega Pharma» kompaniiasy «Biz birgemiz!» qaiyrymdylyq aktsiiasyn iske qosty, dep habarlaidy "Ult aqparat" QR IIDM baspasóz qyzmetine silteme jasap.
Qazaqstan Respýblikasynyń Tuńǵysh Prezidenti - Elbasy qazaqstandyqtardy Memleket basshysy Qasym-Jomart Toqaevtyń jáne Úkimettiń osy kúnderi koronavirýstyq infektsiianyń taralýymen kúresý úshin júzege asyryp jatqan sharalaryn qoldaýǵa shaqyrǵan bolatyn.
Osyǵan bailanysty otandyq meditsinalyq maskalar óndirýshi «Mega Pharma» JShS «Biz birgemiz!» aktsiiasyn bastady. Kompaniia ókilderi búgin Nur-Sultan, Almaty jáne Shymkent qalalarynyń turǵyndaryna 100 myńnan astam meditsinalyq maskany tegin taratýda. Árbir adamǵa 5 dana meditsinalyq maska beriledi.
«Mega Pharma» kompaniiasy Shymkent qalasynda quryldy. Kásiporyn polimerlik materialdardan bir rettik meditsinalyq buiymdardy, askorbin qyshqylyn, dári qobdishasynan jáne basqa da meditsinalyq taýarlardy shyǵarýmen ainalysady. Búgingi kúni kásiporyn táýligine 50-60 myń meditsinalyq betperde shyǵarady. Kásiporyn shyǵaratyn ónim meditsinanyń ár túrli salalarynda qoldanylady jáne sapa men qaýipsizdiktiń barlyq zamanaýi talaptaryna jaýap beredi.
Koronavirýstyń taralýynyń aldyn alý maqsatynda QR Densaýlyq saqtaý ministrligi el azamattaryn adamdar kóp shoǵyrlanatyn jerlerde jáne qoǵamdyq kólikte maska taǵýdy, sondai-aq jeke gigiena erejelerin saqtaýǵa keńes beredi.
