QR Premer-Ministri Kárim Másimov ózi ýáde etkendei, RF Úkimet tóraǵasy Dmitrii Medvedevpen kezdesýi barysynda ótken júz jyldyqtaǵy ult-azattyq qozǵalystyń kóshbasshylary Kenesary han men Keiki batyrdyń múrdelerin elge qaitarý týraly máseleni kóterdi, - dep habarlaidy Ult.kz tilshisi QR Úkimet basshysynyń saityna silteme jasap.
Dmitrii Medvedev bul máseleni anyqtap, sheshý úshin qajetti tapsyrmalar beretinin aitty.
«Men aýyzsha jáne eger qajet bolsa, jazbasha tapsyrma berip, bul máseleniń anyq-qanyǵyn anyqtaityn bolamyn», - dep jaýap berdi D.Medvedev K.Másimovtiń ult kósemderiniń múrdelerin kómý úshin Qazaqstanǵa qaitarý týraly ótinishine.
Budan buryn Kárim Másimov Dmitrii Medvedevpen atalmysh jádigerdi qaitarý týraly máseleni talqylaityny týraly óziniń Tvitterinde jazǵan edi.
Qazaqstan úshin asa qundy jádigerdi keńes dáýirinen beri qaitarýǵa birneshe márte umtylys jasaldy. Sońǵy kezderi bul taqyryp, ásirese, áleýmettik jelilerde jii kóterile bastady. Máselen, qazaqstandyq Nurlan Ámirequlov Facebook áleýmettik jelisinde osy taqyryptaǵy postyn jariialady.
Reseilik áriptesimen kezdesý kezinde Kárim Másimov Astanada ótetin XIII Aimaqaralyq yntymaqtastyq forýmyna qatysty máselelerdi de talqylady. Atap aitqanda, Batys Eýropa-Batys Qytai tárizdi iri kólik jobalaryn júzege asyrý barysy sóz boldy. Jaiyq transshekaralyq ózenine qatysty taqyrypqa basa nazar aýdaryldy. Premer-Ministr bul másele boiynsha úkimetaralyq kelisimge qol qoiýdy usyndy.
Sonymen qatar logistika, shekara mańy yntymaqtastyǵy jáne naqty ekonomika salasyndaǵy basqa da mańyzdy máseleler boiynsha ózekti taqyryptar talqyǵa salyndy.
Dmitrii Medvedev kórshiles memleketterdiń ekijaqty qarym-qatynasy turaqty ári joǵary deńgeide ekenin atap ótti.
