Búgin Densaýlyq saqtaý vitse-ministri Lázzat Aqtaeva Qaraǵandy oblysyna is-saparmen baryp, áleýmettik meditsinalyq saqtandyrýdy aprobatsiialaýǵa qatysty keńes ótkizdi. Bul jóninde "Ult aqparat" MÁMS kommýnikatsiialar boiynsha jobalyq keńsesine silteme jasap habarlaidy.
Esterińizge sala keteiik, 1 qyrkúiekten bastap Qaraǵandy oblysynda MÁMS júiesiniń pilottyq jobasy iske qosyldy.
«Qaraǵandy oblysynda bastalǵan áleýmettik meditsinalyq saqtandyrýdyń pilottyq jobasy 2020 jyldyń 1 qańtarynan engiziletin MÁMS júiesine barynsha daiyndalýǵa múmkindik beredi. Sondyqtan bizge osy jyldyń sońyna deiin qalǵan problemalardy anyqtap, olar boiynsha jedel sheshim qabyldaý mańyzdy»,- dedi vitse-ministr Lázzat Aqtaeva.
Qaraǵandy oblysynda Densaýlyq saqtaý ministrliginiń, Meditsinalyq saqtandyrý qorynyń, ákimdiktiń jáne óńirdegi Densaýlyq saqtaý basqarmasynyń, sondai-aq basqa da memlekettik organdar men uiymdardyń ókilderin biriktirgen Jobalyq keńse quryldy.
Jobalyq keńse «pilotty» iske asyrýǵa qatysty tórt negizgi baǵyt boiynsha monitoringin júrgizedi: normativtik-quqyqtyq aktilerdi, Aqparattyq júielerdi jetildirý, satyp alý tártibi, kórsetilgen meditsinalyq qyzmetter úshin aqy tóleý, halyqty aqparattandyrý.
«Biz úlken daiyndyq jumystaryn júrgizdik. Aqparattyq júieler integratsiialanǵan jáne medsaqtandyrýdy tsifrlyq qoldaýǵa tolyq ázir. Oblys halqynyń 98% interneti bar meditsinalyq uiymdarǵa tirkelgen. Aýdandarǵa jas mamandar tartyldy. Medqyzmetkerlerdi MÁMS boiynsha túrli baǵyttarda jumys isteýge daiyndadyq. Pilottyq jobanyń alǵashqy aptasy jańa júiege daiyn ekenimizdi rastady», - dedi vitse-ministrge oblystyq Densaýlyq saqtaý basqarmasynyń basshysy Erjan Nurlybaev.
Oblysta memlekettik-jeke menshik seriktestik aiasynda shalǵai aýyldardy internetpen qamtamasyz etý joba iske asyrylýda, sonda spýtniktik kommýnikatsiialardyń shyǵyndary arzandaý bolady. Jalpy, oblys boiynsha jyl sońyna qarai 65 aýyldyq densaýlyq saqtaý nysany internetke qosylady.
Meditsinalyq saqtandyrý qorynyń basqarýshy direktory Nurlan Qasymov atap ótkendei, meditsinalyq saqtandyrýdy testileýge daiyndyq sheńberinde MÁSQ filialy oblystyń barlyq densaýlyq saqtaý uiymdarymen birlesip, tegin kómek pen MÁMS toptamalaryn bólýdi esepke ala otyryp, 2019 jyldyń qalǵan 4 aiynda meditsinalyq qyzmetterdi satyp alý josparyna ózgerister engizildi.
Qordyń jumysyn tsifrlandyrýdyń tolyq tsiklyn qamtamasyz etý úshin 1 qyrkúiekten bastap Qaraǵandy oblysynda «Saqtandyrý» aqparattyq júiesi testik tártipte iske qosyldy.
«Pilottyq jobanyń maqsaty - meditsinalyq qyzmetterdiń arnaiy esebin júrgizý boiynsha densaýlyq saqtaý salasyndaǵy barlyq aqparattyq júieniń integratsiiasyn tekserý jáne MÁMS júiesindegi patsientterdiń mártebesin sáikestendirý»,-dedi QR Densaýlyq saqtaý vitse-ministri.
Keńes barysynda turǵyndardy ózektendirý jáne oblys halqynyń MÁMS júiesindegi mártebesin anyqtaý máselesi talqylandy. Búginde 150,6 myńnyń adam mártebesi belgili, endi 35 myńǵa jýyq turǵyndy sáikestendirý kerek.
MÁMS úilestirý departamentiniń málimetinshe, MÁMS keńeitilgen paketi aiasynda meditsinalyq kómektiń kepildi kóleminen tys qosymsha meditsinalyq qyzmetter kórsetýge respýblikalyq biýdjetten 2,3 mlrd teńge bólindi.
Kúzden bastap oblys turǵyndary konsýltatsiialyq-diagnostikalyq qyzmetterge qol jetkizdi, oǵan deni saý eresekterdi aldyn ala tekserý jáne beiindi mamandardyń balalardy tekserýi, sondai-aq zerthanalyq jáne diagnostikalyq qyzmetter kiredi.
Sonymen qatar, aimaq turǵyndaryna statsionardy almastyratyn jáne josparly statsionarlyq kómektiń keńeitilgen tizbesi, kardiologiia, kardiohirýrgiia, nevrologiia, neirohirýrgiia, travmatologiia jáne ortopediia siiaqty beiin boiynsha eresekter men balalardy meditsinalyq ońaltý qoljetimdi bolady.
Departament direktory Azamat Ómirtaev atap ótkendei, MÁMS júiesiniń qarjylyq turaqtylyǵy úshin jumys berýshiler men jeke tóleýshiler tarapynan jarnalar men aýdarymdardyń turaqtylyǵyn qamtamasyz etý qajet.
Oblystyń memlekettik kirister departamentiniń ókilderi keńeske qatysýshylardy meditsinalyq saqtandyrý qoryna ýaqytyly jarnalar men aýdarymdardy qamtamasyz etý boiynsha qabyldanyp jatqan sharalar týraly habardar etti.
«Halyqty MÁMS júiesine belsendi túrde tartý kerek, endi meditsinalyq saqtandyrýdyń artyqshylyǵy týraly aitýdyń qajeti joq, ony azamattardyń ózi kózben kórip, baiqaýy tiis», - dep túiindedi Lázzat Aqtaeva.
