Premer-Ministrdiń orynbasary Eraly Toǵjanov eldegi sanitarlyq-epidemiologiialyq qyzmetterdi materialdyq-tehnikalyq kúsheitý týraly aityp berdi, dep habarlaidy QazAqparat.
«12 zerthana joǵary tehnologiialyq jabdyqtarmen qamtamasyz etiledi. Bul óz kezeginde azyq-túlik, balalar oiynshyqtaryn, sý men ózge de ónimdi zertteýge múmkindik beredi. Iaǵni toksindi elementterdi, tuzdardy, metalldardy anyqtaý maqsatynda júrgiziledi. Sonymen qatar meditsinalyq zattarǵa qatysty zerthanalyq ári tehnikalyq synaqtan ótkizý boiynsha ortalyq qurylady. Osy oraida halyqaralyq standarttar turǵysynda dári-dármek pen meditsinalyq zattardy qaýipsizdik pen sapa boiynsha synaqtan ótkizýge múmkindik beredi», - dedi Úkimet basshysynyń orynbasary onlain baspasóz máslihatynda.
