Meditsina boiynsha Nobel syilyǵynyń iegerleri anyqtaldy, dep habarlaidy Euronews.
«2020 jyly fiziologiia men meditsinadan Nobel syilyǵy virýsologtar - Harvi Alter, Maikl Hoýton jáne Charlz Raisqa taǵaiyndaldy. Nobel komitetiniń habarlaýynsha, olar S gepatitimen kúreste sheshýshi ról atqarǵan. Iaǵni, 1989 jyly olar bul virýstyń RNQ-sy arqyly onyń A jáne V gepatitine jatpaityn, biraq soǵan uqsas aýrýdy týdyratynyn anyqtaǵan. Virýsty ashý infektsiiany anyqtaityn test júiesy men dári jasaýǵa múmkindik berdi, milliondaǵan adamnyń ómirin aman alyp qaldyq», - delingen syilyqty taǵaiyndaý týraly málimdemede.
85 jastaǵy amerikalyq virýsolog jáne infektsionist Harvi Olter – Ulttyq densaýlyq saqtaý institýtyna qarasty qan quiý institýtynyń infektsiialyq aýrýlar bóliminiń basshysy. Maikl Hoýton Kanadanyń Alberta aimaǵyndaǵy virýsologiia institýtynda jumys isteidi. Al Charlz Rais – Niý-Iorktegi Rokfeller ýniversitetiniń virýsologiia professory.
Dástúrli Nobel aptalyǵy dúisenbide meditsina salasyndaǵy laýreattardy jariialaýdan bastaldy.
Eske sala ketsek, biyl Nobel syilyǵy laýreattarynyń esimderi 5-12 qazan aralyǵynda jariialanady. Saltanatty rásim Stokgolm meriiasynan transliatsiialanady. Oǵan túrli elder qosylady. Buǵan deiin is-shara Stokgolm filarmoniiasynda ótetin.
Marapattar jeńimpazdarǵa elshilik pen ýniversitet ókilderi arqyly tabystalady.
