Internette kontent jasaýshylarǵa teleradio habar taratýshylarǵa qoiylatyn talaptar qoiylýy múmkin. QR Aqparat jáne qoǵamdyq damý ministriniń orynbasary Kemelbek Oishybaev osyndai aqparat aitty, dep habarlaidy QazAqparat tilshisi.
«Tsifrlyq jáne kabeldik teleradio habar taratýdyń dástúrli operatorlary «Zamanaýi IPTV-tehnologiialardy paidalanatyn kompaniialarǵa nege bizge qoiylatyn zańnama talaptary qoldanylmaidy» degen suraq qoiyp otyr. Sondyqtan internet-keńistikte televiziialyq kontentti taratýshylarǵa jáne teleradio habar taratýdyń dástúrli operatorlaryna qoiylatyn jalpy talaptardy aiqyndaý qanshalyqty qajet ekenin zerttep jatyrmyz. Dástúrli teleradio habar taratýshylarǵa qoiylatyn talaptar men quqyqtar internet kontent taratýshy mediaǵa da berilýi kerek», - dedi ministrdiń orynbasary.
Sondai-aq, ol ministrlik tarapynan «media ólshemder» boiynsha halyqaralyq tájiribeni jiti zerttelip jatqanyn atady.
«Biz úshin Qazaqstanda mediaólshemder jańa tehnologiialardyń kómegimen onlain rejimde qoljetimdi bolýy kerek. Qazir teelearnalar tarapynan kóp syn aitylyp júr. Biraq biz áli naqty ólshem tásilin áli bekitken joqpyz. Media ólsheý tek qalalarda ǵana emes, búkil Qazaqstan boiynsha júrgizilýi shart. Sondai-aq, internet-keńistikte ólshem ashyq bolýy kerek. Basqa elderdiń bul istegi tájiribesin eskere otyryp, biz osy protsesti jaqyn arada zańnamalyq retteýdiń qanshalyqty qajet ekenin anyqtaimyz. Iaǵni, zańnamalyq retteý kerek pe álde kirispeý kerek pe degen suraqqaý jaýap izdeimiz», -dedi Kemelbek Oishybaev.
