«Medeý» muz aidynynda syrǵanaý maýsymy qazan aiynyń ekinshi jartsynda ashylady, dep habarlaidy "Ult aqparat".
Almaty qalasynyń sport ǵimarattary direktsiiasynyń direktory Nail Nýrovtyń aitýynsha, muz aidynynda barlyq sanitarlyq talaptar saqtalady.
«Biz pandemiiaǵa bailanysty arnaiy algoritm jasadyq. Biylǵy maýsymnyń basty mindeti - qonaqtarymyzdyń densaýlyǵyna tónetin qaýipti meilinshe azaitý. Sonydyqtan barlyq sanitarlyq talaptar eskerilip, onyń oryndalýy nazarda bolady», - deidi Almaty qalasynyń sport ǵimarattar direktsiiasynyń basshysy Nail Nýrov.
Sonymen qatar, ol stadionda kúsheitilgen dezinfektsiialyq rejim engizilgenin atap ótti. Kassa aldynda uzyn-sonar kezek paida bolmas úshin,muz aidynynyń ákimshiligi radikaldy jáne tiimdi shara qoldady. Iaǵni, kassalar jumys istemeidi jáne kirý biletterin tek www.medey.info saity arqyly satyp alýǵa bolady. Muz aidynyna kelýshiler ortalyq kireberis arqyly kirip, soltústik-shyǵys qaqpasy arqyly shyǵady.
«Taǵy bir mańyzdy saqtyq - kelýshilerdiń sanyn shekteý. Muz aidynynda bir ýaqytta 2 myńǵa jýyq qana adam bolady. Jaiaý júrginshiler aimaǵy men muzdaǵy áleýmettik ara qashyqtyqtyń saqtalýyn qadaǵalaityn stiýardtardyń sany edáýir artady», – dep qosty ol.
Aita keteiik, syrǵanaý maýsymnyń ashylýy aýa raiyna ǵana emes, qaladaǵy epidemiologiialyq jaǵdaiǵa da bailanysty bolady. Muz aidynyna SES mamandary tolyq kólemde tekserý júrgizedi.
