QR Tótenshe jaǵdailar ministri Iýrii Ilin Parlament Májilisiniń depýtattary Aleksandr Miliýtin men Jambyl Ahmetbekovti bas qaladaǵy Astana sý rettegishiniń jumysymen tanystyrdy.
Bul týraly QR Tótenshe jaǵdailar ministrliginiń resmi ókili Talǵat Ýáli málimdedi.
Iu. Ilin Astana sý rettegishiniń osy kezdegi kezeńdegi jumysy týraly aitty.
Onyń sózinshe, sý rettegish uzyndyǵy 31 shaqyrym bolatyn qorǵanys bógetin qamtidy jáne 450 mln tekshe metrge deiingi kólemdegi tasqyn sýdy ýaqytsha ustai alady.
Ministr qazirgi ýaqytta sý rettegishte Astana sý qoimasynan tastalǵan 56 mln. tekshe metr tasqyn sý jinaqtalǵanyn habarlady.
Sondai-aq, ol ózen arnalaryn tazartý, qorǵanys bógetterin nyǵaitý, apattyq Gidrotehnikalyq qurylystardy jóndeý boiynsha keshendi sharalardy oryndaý úshin qosymsha qarajat qajet ekenin atap ótti.
Óz kezeginde Aleksandr Miliýtin Parlamentte sý tasqynyna qarsy is-sharalarǵa biýdjet qarajatyn bólý máselesin kóteretinin aitty.
Kezdesý barysynda depýtattar Arshaly aýdanynyń Jibek Joly kentine bardy. Onda Tótenshe jaǵdailar birinshi vitse-ministri Ibragim Kúlshimbaev pen vitse-ministr Marat Kúldikov kenttiń sý basqan ýchaskelerinde ótkizilgen sý tasqynyna qarsy is-sharalardy tanystardy.
Aqmola oblysynyń 52859 áskeri bólimi men TJD jeke quramymen Jibek Joly kentiniń ainalasynda eki shaqyrymdyq úiindi bekitilimdi nyǵaitý boiynsha jumystar jalǵasýda. 1000-nan astam inertti materialy bar qaptar daiyndaldy, onyń 700-ge jýyǵy tóseldi. Qazir jaǵdai turaqtandy. Aýla aýmaǵynan erigen sý soryp shyǵaryldy.
Sonymen qatar, Tótenshe jaǵdailar birinshi vitse-ministri Ibragim Kúlshimbaev Májilis depýtattarymen birge sý tasqyny jaǵdaiyn aerovizýaldy zertteý jáne monitoringileý maqsatynda elordanyń shekara mańyndaǵy aýmaqtaryn áýeden sholyp shyqty.
Ushý barysynda depýtattar 42-razezd, Qoiandy, Talapker, Qaraótkel, Qarajar Jibek Joly jáne Qosshy eldi mekenderiniń aýmaqtaryn áýeden baqylady.
Baqylaý kezinde qardyń erý protsesi turaqty júrip jatqany baiqaldy. Sý shaiǵan aimaqtar joq. Táýlik boiy kosmomonitoring júrgizý jalǵasýda. Aqmola, Qostanai jáne Soltústik Qazaqstan oblystarynyń keibir ózen aýmaqtarynda seń júrý úderisi bastaldy.
Sondai-aq Aqmola, Shyǵys Qazaqstan, Qostanai jáne Soltústik Qazaqstan oblystarynyń sý qoimalarynda sý jinaýǵa qajetti oryndar ázirlenýde.
