Máskeýde Chistoprýdnyi jelek jolynda Qazaqstan táýelsizdiginiń 30 jyldyǵy men Jeńis kúnine arnalǵan fotokórme ashyldy, dep habarlaidy QazAqparat.
Ashylý saltanatyna Qazaqstannyń Reseidegi Elshisi Ermek Kósherbaev pen Basmannyi aýdany basqarmasynyń basshysy Irina Lesnyh qatysty.
Elshiniń aitýynsha, kórme Uly Otan soǵysyndaǵy jeńistiń kezekti mereitoiyna orailastyrylyp, Qazaqstan Respýblikasy táýelsizdiginiń 30 jyldyǵyna arnalǵan.
Kósherbaev Qazaqstannyń maidanǵa 1 mln 200 myń adam jiberilip, onyń ishinde 600 azamattyń qaita oralmaǵanyn eske saldy. Sonymen qatar respýblika maidanǵa qarý-jaraqtar, oq-dáriler, azyq-túlik jáne kiim-keshek jiberip otyrǵan.
Kórmege Nursultan Nazarbaev qory, QR Qarýly kúshteri Ulttyq áskeri-patriottyq ortalyǵynyń Áskeri-tarihi murajaiy, QR Aqparat jáne qoǵamdyq damý ministrligi men «Kazakh Tourism» UK» AQ muraǵattarynan 16 ekijaqty stend usynylǵan.
Máskeý turǵyndary men reseilik astana qonaqtary Qazaqstannyń táýelsizdik jyldary jetken jetistikteri men Uly Otan soǵysynda jeńiske jetýge qosqan úlesimen tanysa alady.
Kórmeni Nursultan Nazarbaev qorynyń qoldaýymen jáne Máskeý qalasy biliginiń kómegimen Reseidegi Qazaqstan Elshiligi uiymdastyryp otyr.
Qoiylym 16 mamyrǵa deiin sozylady.
