Reseidiń Máskeý oblysy Noginsk qalasynda kópqabatty turǵyn úilerdiń birinde gaz jaryldy. Sonyń saldarynan ǵimarattyń bir bóligi qiraǵan.
Qutqarýshylar úiindi arasynan bes adamdy alyp shyqqan, olardyń arasynda bes jáne 11 jastaǵy balalar bar. Qaza bolǵandar jaily málimet joq. Jedel qyzmet mamandary úiindi astynda taǵy adamdar qalýy múmkin ekenin habarlady. TASS agenttiginiń jazýynsha, ǵimarattan 170-ten astam adam evakýatsiialanǵan.
Ázirge tolyq emes aqparatqa qaraǵanda, ǵimarattyń ekinshi jáne besinshi qabaty aralyǵyndaǵy bes páter qiraǵan. RIA "Novosti" agenttiginiń jazýynsha, ekinshi, úshinshi jáne tórtinshi qabattyń biraz bóligi opyrylyp túsken.
