Almatyda maskasyz jolaýshyny avtobýsqa kirgizgen júrgizýshi syiaqydan qaǵyldy, dep habarlaidy "Ult aqparat".
Bul oqiǵaǵa qatysty video áleýmettik jelide taralǵan bolatyn.
Jýrnalist Dinara Tursynova janynda otyrǵan jolaýshydan maska kiiýin ótingen. Alaida er adam maska taǵýdan bas tartqan.
Qalalyq Mobildilik basqarmasy osy derekke qatysty tekserý júrgizgen. №81 avtobýs júrgizýshisi salondaǵy daýdy estigen, alaida esh shara qoldanbaǵan anyqtaldy.
«Jolaýshylar tasymalynyń karantin kezindegi erejelerine sáikes maska taqpaǵan jolaýshyny avtobýs salonyna kirgizbeýi tiis. Sondyqtan, esh shara qoldanbaǵan avtobýs júrgizýshisine qatań sógis jariialanyp, shilde aiyndaǵy syiaqysy berilmeitin boldy», - dedi basqarmadan.
Qalalyq politsiia departamenti bul derekti de teksergen. Kriminaldy politsiia basqarmasynyń mamandary 28 jastaǵy jigitti ustady.
«Is materialdary qalalyq Taýarlar men qyzmetterdiń sapasy men qaýipsizdigin baqylaý departamentine QR ÁqbK 425-babymen tapsyrylady», - dedi PD
Quqyq buzýshy óz áreketi úshin keshirim surap, kópshilikke maska taǵýǵa keńes berdi.
