COVID-19-ben kúresýge tartylǵan 1487 meditsina qyzmetkeri koronavirýstyq infektsiiany nemese virýstyq pnevmoniiany juqtyrǵan úshin memlekettik áleýmettik saqtandyrý qorynan (budan ári – MÁSQ) birjolǵy áleýmettik tólemdi aldy.
Bul týraly QR Eńbek jáne halyqty áleýmettik qorǵaý ministrliginiń baspasóz qyzmeti habarlady.
Baspasóz málimetterine qaraǵanda, MÁSQ aýrýdyń saldarynan qaitys bolǵan 20 meditsina qyzmetkeriniń týystaryna da tólemder aýdardy.
«Budan buryn habarlanǵandai, joǵaryda atalǵan tólem tólenetin meditsina qyzmetkerlerin óńirlerdiń jáne respýblikalyq mańyzy bar qalalardyń densaýlyq saqtaý basqarmalary janyndaǵy arnaiy komissiialar aýyrǵan meditsina qyzmetkerlerin tekserý nátijeleri negizinde anyqtaidy. Ótinimderdi jinaqtaýdy QR Densaýlyq saqtaý ministrligi júzege asyrady, odan keiin ótinimder elektrondyq is maketterin qalyptastyrý úshin «Azamattarǵa arnalǵan úkimet» memlekettik korporatsiiasy» KEAQ-qa beriledi, keiin tólem taǵaiyndaý úshin MÁSQ-ǵa jiberiledi»-delingen habarlamada.
14 qyrkúiek saǵat 9:00-degi jaǵdai boiynsha MÁSQ COVID-19 nemese virýstyq pnevmoniia juqtyrǵan 1487 meditsina qyzmetkeriniń jáne aýrýdyń saldarynan qaitys bolǵan 20 meditsina qyzmetkeriniń ótinish boiynsha qarajatty taǵaiyndaý men tóleýdi júzege asyrdy.
Óńirler bólinisinde meditsina qyzmetkerlerine COVID-19 nemese virýstyq pnevmoniiany juqtyrý jaǵdaiyna bailanysty tólemderdiń eń kóp sany Nur-Sultan (261) jáne Almaty qalasynan (197), Almaty (127), Aqmola (122) jáne Qaraǵandy (110) oblystarynan júrgizildi.
Esterińizge sala keteiik, QR Eńbek jáne halyqty áleýmettik qorǵaý ministri men QR Densaýlyq saqtaý ministriniń 9 sáýirdegi «Densaýlyq saqtaý uiymdarynyń COVID-19 koronavirýstyq infektsiiasyna qarsy kúres jónindegi epidemiiaǵa qarsy is-sharalarǵa tartylǵan qyzmetkerleri atalǵan infektsiiany juqtyrǵan nemese odan qaitys bolǵan jaǵdaida olarǵa birjolǵy áleýmettik tólemdi júzege asyrý qaǵidalaryn bekitý týraly» birlesken buiryǵyna aǵymdaǵy jyldyń 22 shildesinde engizilgen ózgeristerge sáikes joǵaryda kórsetilgen tólem:
– koronavirýstyq infektsiia nemese virýstyq pnevmoniia juqtyrǵan meditsina qyzmetkerlerine – 2 mln. teńge;
– COVID-19 koronavirýstyq infektsiiasyn juqtyrǵannan, virýstyq pnevmoniiamen aýyryp qaitys bolǵan jaǵdaida olardyń otbasyna – 10 mln. teńge kóleminde tólenedi.
