Jańaózende 17 jyldan beri marqum sanalyp kelgen áiel óziniń tiri ekenin dáleldei almai álek, dep habarlaidy lada.kz saity.
Jańaózen qalalyq soty baspasóz qyzmetiniń málimdeýinshe, áieldiń ózi 2002 jyly marqumdar qataryna qosylǵanyn 2016 jyly bilgen. Endi sot áieldiń ótinishi boiynsha azamattyq is qozǵap otyr.
«Sotta Mańǵystaý oblysy Aqtaý qalalyq AHAT bóliminiń 2002 jylǵy 16 shildedegi №782 jazbasyna sáikes, azamatsha Ý. marqum sanalady. Sot otyrysynda ol ólim týraly kýáligi bar ekenin 2016 jyly bilgenin aitty. Sodan keiin áiel buzylǵan quqyn qalpyna keltirý úshin túrli instantsiialarǵa júgingen, biraq nátije joq», - dep málimdedi sottyń baspasóz qyzmeti.
Sot is materialdaryn qarap shyǵyp, ótinishti qanaǵattandyrý týraly sheshim qabyldap, Aqtaý prokýrorynyń atyna 2002 jylǵy 16 shildede qaitys bolǵan adamnyń tulǵasyn anyqtaý úshin jeke qaýly shyǵardy.
