Sybailas jemqorlyqqa qarsy is qimyl agenttiginiń tóraǵasy Marat Ahmetjanov osy baǵytta atqarylǵan jumystarǵa qaramastan qarapaiym adamdarǵa óz máselesin para berý arqyly sheshý yńǵaily bolyp turǵanyn aitty, dep habarlaidy "Ult aqparat".
Bul týraly ol vedomstvonyń birinshi jartyjyldyqtaǵy jumys qorytyndysy boiynsha ótken alqa otyrysynda málim etti.
Vedomstvo basshysy barlyq sybailas jemqorlyq qylmystarynyń úshten biri para berýmen qatysty ekenin eske saldy.
«Halyqqa para berip, óz máselesin tez ári jeńil sheshken yńǵaily. Adamdar zańsyz artyqshylyq nemese paida alý, biýrokratiialyq kedergilerdi ainalyp ótý úshin para berýge májbúr. Bul ishinara azamattardyń mentalitetine bailanysty. Keibir adamdar úshin máseleni paramen sheshý ómir súrý normasyna ainalǵan. Ókinishke qarai, «qol aqysyn berý», «syi-siiapat berý» sekildi jaǵymsyz ádetter halyqtyń boiyna sińip ketken», - degen agenttik basshysy para berýshilerdiń óz áreketi úshin jaýapkershilik bar ekenin eskere bermeitinin atady.
«Adamdar sheneýnikterdiń para alýyna sanaly túrde barady... Tsifrlandyrý, quqyqtyq quraldar men biýrokratiialyq kedergilerdi joiý, jumysty ashyq jáne aiqyn etý jemqorlyqty joiýǵa yqpal etedi. Sonda ǵana halyq agenttikke júginip, kómek suraidy», - dedi Marat Ahmetjanov.
