Túrkistan oblysy Arys qalasynan Mańǵystaý oblysyna 3 myń baý, iaǵni, 3 vagon shóp jiberildi. Tiisti mal azyǵy Mańǵystaý oblysynyń Jańaózen qalasynyń Qyzylsai aýyldyq okrýgine jáne Qaraqiia aýdanynyń Senek, Bostan, Qulandy aýyldyq okrýgterine qarasty sharýashylyqtarǵa úlestirilip berildi, dep habarlaidy "Ult aqparat".
Batystyq sharýalar óz kezeginde Arys qalasy ákimdigi men sharýalarǵa, belsendi azamattarǵa rizashylyqtaryn bildirdi. Tiisti sharaǵa belsene qatysqan Arys qalasy Qojatoǵai aýyldyq okrýgine qarasty Syrdariia aýylynyń bir top turǵyndaryna alǵystaryn jaýdyrdy.
Aita keteiik, biylǵy qýańshylyq mańǵystaýlyq sharýalarǵa qiyn soǵyp turǵany belgili. Qiyndyqty eńserý maqsatynda Túrkistan oblysynda «BATYSQA KÓMEK» sharasy qolǵa alynǵan bolatyn.
Aimaq basshysynyń atsalysýymen «Qazaqstan temir joly» ulttyq kompaniiasy» AQ kelisim jasalyp, logistika máselesi sheshildi. Atalǵan sharaǵa Arys qalasynyń ákimi G.Qurmanbekovanyń uiymdastyrýymen arystyq sharýalar men belsendi azamattar kómek qolyn sozdy.
Shópti jinaýǵa jáne artýǵa qalanyń eriktileri, belsendi azamattary kómek kórsetken edi.
