videodan kadr
Mańǵystaý oblysy Beineý aýdanyndaǵy túlekterdiń ata-analary Boranqul aýylynda 25 mamyr kúni bolǵan sońǵy qońyraýdan keiin bolǵan jappai tóbeleske qatysty birneshe beineúndeý jasady, - dep habarlaidy «Ult aqparat» Tengrinews.kz -ke silteme jasap.
Ata-analar balalarynyń áreketteri úshin Qazaqstan turǵyndarynan keshirim surady. Túlekterdiń ákeleri men analary tóbeles nátijesinde eshkim dene jaraqatyn almaǵanyn aitty. Olardyń aitýynsha, muǵalimder, mektep direktory jáne politsiia qyzmetkerleri túsindirý jumystaryn júrgizdi. Eshqandai shaǵym joq.
Túlekterdiń ózderi de keshirim surady. Olar tóbelestiń sebebi qandai da bir "kelispeýshilik" bolǵanyn aitty. Sondai-aq olar ata-analardan, mektep basshylyǵynan jáne muǵalimderden keshirim surady.
Eske salaiyq, 25 mamyr, senbi kúni tústen keiin Mańǵystaý oblysy Beineý aýdany Boranqul aýylynda túlekter arasynda jappai tóbeles boldy. Oqiǵa videoǵa túsirilip, áleýmettik jelide tarap ketti. Kadrlarda birneshe ondaǵan jastardyń tóbelesip jatqanyn kórýge bolady.
Aimaq politsiia departamenti buzaqylyq faktisi boiynsha qylmystyq is qozǵalǵanyn aitty. Politsiiaǵa 47 kámeletke tolmaǵan bala jetkizildi.
