Mańǵystaý oblysynda tań atpai kóshede kortej quryp, jol erejesin óreskel buzǵan toptyń músheleri izdestirilip jatyr. Bul týraly lada.kz saity habarlady.
Oqiǵa tańǵy saǵat búgin tańǵy 6.30-da bolǵan. Basquqdyq aýylynyń ortalyq kóshesinde kortej jasap oiqastaǵan kólikter videoǵa túsip qalady.
Kortejge qatysqan 8 adam Munaily aýdandyq politsiia bólimin jetkizilip, astyndaǵy kólikteri aiyp turaǵyna qoiyldy. Oblystyq politsiia departamentiniń málimetinshe, saqshylar kortejge qatysqan ózge adamdardyń kim ekenin anyqtaý ústinde.
«Mercedes-Benz E320 kóliginiń iesi Ákimshilik quqyq buzý týraly kodekstiń 595-babynyń 1-bóligi jáne 594-baptyń 1-bóligi boiynsha jaýapqa tartylady. Chevrolet Tracker kóligi jol erejesin buzyp qana qoimai, apattyq jaǵdaiǵa sebepker bolǵan (Ákimshilik quqyq buzý týraly kodekstiń chast 606-babynyń 1-bóligi). «Lada 21723» kóligindegiler qaýipsizdigin beldigin taqpaǵany úshin Ákimshilik quqyq buzý týraly kodekstiń 593-babynyń 2-bóligi jáne 230-babynyń 2-bóligi boiynsha jaýapqa tartylady. Toyota Camry kóligi Ákimshilik quqyq buzý týraly kodekstiń 593-babynyń 2-bóligi boiynsha, 599-baptyń 1-bóligi boiynsha zań buzǵan. Toyota Land Cruiser Prado, Nissan Primera i Toyota Camry kólikteri Ákimshilik quqyq buzý týraly kodekstiń 595-babynyń 2-bóligi boiynsha óreskel zańbuzýshylyq jasaǵan. Taǵy bir Toyota Camry kóligi Ákimshilik quqyq buzý týraly kodekstiń 593-babynyń 1-bóligi boiynsha, 590-baptyń 2-bóligi boiynsha, 603-baptyń 1-bóligi boiynsha zań buzǵan», - dep jazady lada.kz.
