Mańǵystaý oblysynda temirjol vokzalynyń 43 jastaǵy qyzmetkeri jumys ornynda qaitys boldy. Qaiǵyly oqiǵaǵa qatysty tiisti organdar tergeý júrgizip jatyr, dep habarlaidy ult.kz.
Magistraldyq jeli direktsiiasynyń málimetinshe, 5 shilde kúni shamamen saǵat 09:10-da Mańǵystaý magistraldyq jeli bólimshesiniń №13 kirme jolynyń stantsiia bastyǵy 1983 jyly týǵan kirme jol kezekshisin jumys ornynda es-tússiz jatqan kúiinde tapqan.
Oqiǵa ornyna jedel járdem qyzmeti men aýdandyq politsiia basqarmasynyń qyzmetkerleri shaqyryldy. Dárigerler er adamnyń oqiǵa ornynda qaitys bolǵanyn rastady.
Qazirgi ýaqytta atalǵan derek boiynsha Eńbek jáne halyqty áleýmettik qorǵaý ministrligi Memlekettik eńbek inspektsiiasy komitetiniń aýmaqtyq departamenti tekserý jumystaryn júrgizip jatyr.
Qyzmetkerdiń ólimine naqty ne sebep bolǵany tergeý qorytyndysynan keiin belgili bolady.
