Mańǵystaý oblysyndaǵy tasjolda jantúrshigerlik jol apaty boldy. Apat saldarynan bes adam qaza tapty, onyń ishinde júkti áiel de bar, - dep habarlaidy Óńirlik densaýlyq saqtaý basqarmasynyń baspasóz qyzmeti.
"Biyl 16 qyrkúiekte saǵat 1.48-de Lexus LX 470 avtokóligi aýdaryldy. Kólik tizginindegi 27 jastaǵy qyz, oqiǵa ornynda qaza boldy. Qaza bolǵandardyń ekinshisi 1966 jyly týǵan áiel, úshinshisi Jańaózen qalasynyń 31 jastaǵy turǵyny, áiel júktiliktiń 27-shi aptasynda bolǵan. Qalǵandary 1964 jáne 1967 jyldary týǵan eki er adam. Jol-kólik oqiǵasy saldarynan barlyǵy toǵyz adam zardap shekken. Bes eresek adam oqiǵa ornynda qaza boldy. Qalǵan tórt bala túrli dárejedegi jaraqattar alǵan", - delingen habarlamada.
Málimet boiynsha, 2011, 2012 jáne 2019 jyldary týylǵan úsh bala jedel járdemdi kútpesten Jetibai aýdandyq aýrýhanasyna jetkizilgen.
