25 shildede Beineý, Qaraqiia, Mańǵystaý jáne Túpqaraǵan aýdandarynda 10 sailaý okrýgtiń aýmaǵynda aýyl men aýyldyq okrýg ákimderiniń sailaýy ótti, dep habarlaidy "Ult aqparat".
Bul týraly Mańǵystaý oblystyq sailaý komissiiasynyń tóraǵasy málim etti.
Asqar Rzahanovnyń aitýynsha, 10 okrýg boiynsha sailaýshylar tizimine 14 144 adam engizilgen.
Sailaý kúni 11 650 adam sailaýǵa qatysty, iaǵni bul - sailaýshylardyń jalpy sanynyń 82,4%.
Beineý aýdanynda sailaýshylardyń 87,27%, Qaraqiia aýdanynda - 84,7%, Mańǵystaý aýdanynda - 85,4%, Túpqaraǵan aýdanynda - 78,5% daýys berdi.
Sailaý biýlletenderge 25 úmitker engizildi. Sonyń ishinde bes sailaý okrýginde - 2 kandidattan, bes sailaý okrýginde - 3 kandidattan.
Sailanǵan ákimderdiń ortasha jasy - 41,5. Eń kishisi - 26 jasta, eń úlkeni - 60 jasta.
Sailanǵan 10 ákimniń jeteýi - memlekettik qyzmetker. Onyń ishinde 2 ákim naqty aýyldyq okrýgte qaita sailandy.
Ótken sailaýdyń basty ereksheligi - biýlletende «barlyǵyna qarsymyn» degen baǵannyń bolýy.
Sailaýshylar arasynda 279 adam bárine qarsy daýys berdi.
Daýys berý kúni sailaý komissiialaryna eshqandai ótinish pen shaǵym kelip túsken joq.
