Sýret: ashyq derekkózden
Premer-ministr Oljas Bektenov úkimet qaýlysyna qol qoidy, oǵan sáikes jaqyn arada Mańǵystaý oblysynyń shekarasy ózgeredi, dep habarlaidy "Ult aqparat" Úkimettiń baspasóz qyzmetine silteme jasap.
Úkimet qaýlysynda Qazaqstan Respýblikasynyń memlekettik shekarasy týraly jáne ákimshilik-aýmaqtyq qurylymy týraly zańdarǵa sáikes Mańǵystaý oblysynyń shekarasy keńeitiletini aitylǵan. Oblysqa Qazaqstannyń Kaspii teńizindegi aýmaqtyq sýlarynyń eni men aýmaqtyq sýlardyń syrtqy shekarasyn ólsheýge arnalǵan bazalyq syzyqtar arasynda ornalasqan aýmaq kiredi.
Oblys aýmaǵy eni 12 teńiz mili bolatyn «jolaqpen» ulǵaitylady. Onyń jalpy aýmaǵy 1 638 837,5 gektar bolady.
Úkimettiń 17 mamyrdaǵy qaýlysy 23 mamyr kúni tańerteń premer-ministrdiń saitynda jariialanǵan, ol on kúnnen keiin kúshine enedi.
