Mamyr aiynyń sońǵy kúnderi Qazaqstan aýmaǵynda aýa raiy qubylmaly bolady dep kútilýde. Qazgidromettiń málimetinshe, respýblika aýmaǵyna áser etetin soltústik-batys tsiklony men atmosferalyq fronttarǵa bailanysty kóptegen óńirde jańbyr jaýyp, naizaǵai oinaidy, dep habarlaidy ult.kz.
Eldiń batysy men soltústik-batysynda jaýyn-shashyn búkil kezeń boiy saqtalady. Al 28 mamyr kúni ońtústik, ońtústik-shyǵys jáne ortalyq óńirlerde qatty jańbyr jaýýy múmkin. Sonymen qatar 28-29 mamyr aralyǵynda soltústik jáne shyǵys aimaqtarda nóser jańbyr, burshaq jáne ekpindi jel kútiledi.
Sinoptikter respýblika boiynsha jeldiń kúsheiýi múmkin ekenin eskertti.
Kúndizgi aýa temperatýrasy óńirlerge bailanysty ártúrli bolady:
Batys aimaqtarda aýa temperatýrasy 15-25 gradýs jylyǵa deiin tómendeidi;
Soltústik-batys, soltústik jáne ortalyq óńirlerde kezeń basynda 17-25 gradýs jyly bolyp, keiin 20-33 gradýsqa deiin kóteriledi;
Shyǵysta temperatýra 15-25 gradýstan 20-30 gradýs jyly aralyǵynda qubylady;
Ońtústik pen ońtústik-shyǵysta bastapqyda 20-28 gradýs jyly bolsa, kezeń sońyna qarai 27-38 gradýsqa deiin ysidy.
Osylaisha, mamyr aiynyń sońǵy kúnderi el aýmaǵynda aýa raiy turaqsyz bolyp, kei óńirlerde qatty jaýyn-shashyn men jel kútiledi.
