QR Premer-Ministri Asqar Mamin eldegi sanitariialyq-epidemiologiialyq ahýaldy jaqsartý úshin tapsyrmalar berdi, dep habarlaidy "Ult aqparat".
«Úkimet janyndaǵy vedomstvoaralyq komissiia aldyn alý sharalaryn qabyldap jatyr. Barlyq óńirde 2 tamyzdan bastap kúsheitilgen shekteý sharalary kúshine endi. Qabyldanǵan barlyq karantin talaptarynyń qatań saqtalýyn qamtamasyz etý qajet», - dedi Asqar Mamin Úkimettiń búgingi otyrysynda.
Sonymen birge, Úkimet basshysy Ashyq jobasy bizneske karantin jaǵdaiynda jumys isteýge múmkindik berip otyrǵanyn eske saldy.
«Óńir ákimderi men Densaýlyq saqtaý ministrligi barlyq aýrýhanalardyń, bastapqy pýnktterdiń, mobildi brigadalar men PTR-zerthanalardyń úzdiksiz jumys isteýin, dári-dármek pen qorǵanysh quraldarynyń jetkilikti bolýyn qamtamasyz etsin. Sondai-aq, Ishki ister jáne Densaýlyq saqtaý ministrlikteri monitoring toptarynyń sanitarlyq-epidemiialyq normalardyń buzylýyn baqylaý jáne anyqtaý boiynsha jumysyn kúsheitsin», - dedi Mamin.
