Almaty qalasy boiynsha Sot saraptamasy institýty belsendi Janbolat Mamai men onyń áieli Inga Imanbaidyń Baýyrjan Baibekke qatysty ázirlegen videorolikterin zerttep-zerdelep boldy.
Este bolsa, buǵan deiin Medeý aýdandyq №2 sotynyń sýdiasy Mamaidyń videomaterialdaryna psihologiialyq-filologiialyq zertteý taǵaiyndaý týraly sheshim qabyldaǵan edi.
Zańger Aijan Táshenovanyń aitýynsha, beinejazbalar mazmunynda B.Baibektiń jeke basy men qyzmeti týraly kesimdi formada aitylǵan jaǵymsyz aqparat, sondai-aq qoldanylý astarynda talap qoiýshynyń ar-namysy men qadir-qasietin kemsitý sipatyndaǵy sózder bar.
Eske salaiyq, buǵan deiin 14 mamyrda bolǵan sotaldy daiyndyqta B.Baibektiń tarapy táýelsiz saraptamanyń qorytyndysyn usynǵan bolatyn. Alaida, Mamai men onyń qorǵaýshylary bul qujatpen tanyspai jatyp, onymen kelispeitinderin málimdegen. Munan keiin sýdia Raihan Sársenbaeva sot tarapynan saraptama taǵaiyndalatynyn aitty.
