Nur Otan partiiasy tóraǵasynyń birinshi orynbasary Baýyrjan Baibekten sotta jeńilip qalǵan belsendi Janbolat Mamai men onyń áieli Inga Imanbai sot sheshimin oryndamasa, aýyr jazaǵa tartylýy múmkin. Bul týraly búgin Baibektiń zańgeri Aijan Táshenova apelliatsiialyq sot otyrysynda málimdedi, dep habarlaidy "Ult aqparat".
Eske salaiyq, Mamai men Imanbai Baibek týraly birneshe videorolik jariialaǵannan keiin partiia tóraǵasynyń orynbasary olardy sotqa bergen bolatyn. Azamattyq sotta qaralǵan osynaý protseste sýdia Baibektiń talap-aryzyn qanaǵattandyryp, erli-zaiyptylardy atalǵan videorolikterdi internetten óshirýge mindettedi. Alaida, olar bul sheshimmen kelispei, apelliatsiialyq sotqa shaǵym túsirdi.
Al, zańger Aijan Táshenovanyń aitýynsha, erli-zaiyptylar sot sheshimi zańdy kúshine engennen keiin talapty oryndamasa aldymen ákimshilik jaýapqa tartylady. Al, odan da sabaq almasa qylmystyq jaza arqalaýy ábden múmkin.
«Baýyrjan Baibek sotqa júginip, óziniń durystyǵyn dáleldedi. Ol aldymen ákimshilik nemese qylmystyq jaýapkershilikke emes, tek azamattyq-quqyqtyq tártiptegi sotqa júgingenine nazar aýdarǵym keledi. Sheshim zańdy kúshine engennen keiin, jaýapkerler videony jariia teristeýge nemese alyp tastaýǵa mindetti. Eger Mamai men Imanbaeva sot sheshimin oryndamasa, onda olar ákimshilik jaýapkershilikke (ósimpul nemese qamaýǵa alý), sodan keiin qoǵamdyq jumystar, shekteýler nemese tipti bas bostandyǵynan aiyrý túrindegi jazamen qylmystyq jaýapkershilikke tartylady», - dedi Baibektiń zańgeri Aijan Tashenova.
